Ana xolos, Amirlik futbolchisi soch turmagi sabab 272 dollar jarimaga tortildi

Bunga sabab futbolchining soch turmagi odatiy emasligida. Tartib-intizom qo'mitasi buni quyidagicha izohladi: "Hassan Zahranning soch turmagi umuman millatimizga xos emas. Biz arab kishilarimiz, shunday ekan o'zimizga qarab yurishni bilishimiz kerak. Bu futbolchining soch turmagi umuman etikaga to'g'ri kelmaydi".

Hassan Zahran sochi sabab jarima tortilgan birinchi futbolchi emas. Bungacha "Al Ayn"ning braziliyalik legioneri Kayo jarima to'lashga majbur bo'lgandi. Keyinroq "Al Vahda" hujumchisi Murod Batna ham jarimaga tortildi. Avvalgi yili Asamoa Gyan "nostandart" soch turmagi sabab pul to'lashiga to'g'ri kelgandi.

Federaciya bayonotida shunday deyilgan: "Biz o'z madaniyat va yurish-turishimiz bilan o'rnak bo'lishimiz kerak. Boshning yarmi kal, yarmi soch bilan yurish bizga to'g'ri kelmaydi. Futbolchilarni maydonda va televizorda ko'pchilik ko'radi. Ularga bunday soch turmagi bilan yurish yarashmaydi".