Alisson "CHelsi"ga qarshi penaltilar seriyasi vaqtida hiyla ishlatdi. Payqadingizmi?

"Liverpul" va "CHelsi" 4 oy ichida ikkinchi marta sovrin masalasini penaltilar seriyasida hal qildi – va yana Klopp jamoasi omadliroq chiqdi.

"Liverpul"ning braziliyalik darvozaboni Alisson Meyson Mauntning zarbasini qaytardi va jamoaga Angliya Kubogini yutib berdi. Seriya davomida ziyrak muxlislar posbonning kichik hiylasini payqab qolishdi.

Har bir penaltidan so'ng u to'pni olib, 11 metrlikni tepishi kerak bo'lgan jamoasi futbolchisiga berdi. SHu tariqa, to'p "CHelsi" darvozaboni Eduar Mendiga tushmadi.

Fevral oyida Mendi Misrga qarshi Afrika Millatlar Kubogi finalida Senegal darvozasini qo'riqladi. Uchrashuv penaltilar seriyasiga qadar cho'zildi va u erda Mendi shaxsan o'zi to'pni raqiblarga topshirdi, keyin esa darvozaga turishga unchalik shoshilmadi.

Ko'pchilik Mendi buni raqiblarini g'azablantirish uchun ataylab qilgan deb hisobladi. Taktika ish berdi: Senegal penaltilar seriyasida 4:2 hisobida g'alaba qozondi.

Ammo Alissonning ayyorligi tufayli Mendi "Uembli"da ham xuddi shunday taktikani qo'llay olmadi.

G'alabadan so'ng Alisson shunday dedi: "Ajoyib, biz juda yaxshi o'ynadik. Bu haqiqiy jang bo'ldi, o'z darvozamizdan to'p olib chiqmadik, keyin esa yigitlar penaltidan unumli foydalanishdi. Qilishim kerak bo'lgan yagona narsa g'alaba seyvi edi. Men va Mendi qoyilmaqom seyvlarni amalga oshirdik. Jamoa yordamisiz buni uddalay olmasdim".