Alisher Xoliqovning futbol shinavandalariga sovg'asi

 

Ayni paytda u o'zining jonajon “Qizilqum” jamoasida to'p tepmoqda. Hozir gap uning qaerda va qanday o'ynayotgani xususida emas. Futbolimiz taraqqiyotiga baholi qudrat hissa qo'shib kelayotgan Alisher shu yil xayrli bir ishni boshlagandi. O'zi istiqomat qilayotgan shahar - Navoiyda qarovsiz yotgan hududdan er olib, u erda suniy qoplama mini futbol maydoni barpo etishga qaror qildi. Natijada Alisherning fikrini do'stlari, mahalliy hokimlik vakillari qo'llab-quvvatlashdi. 

 

2 noyabr kuni shaharning “G'alaba” shohko'chasida Alisher Xoliqov tashabbusi bilan qurib bitkazilgan yangi futbol maydonining tantanali ochilish marosimi o'tkazildi. Unda viloyat futbol faxriylari, soha mutasaddilari, “Qizilqum” futbol klubi azolari, futbol shinavandalari ishtirok etdi.

 

- Alisher kamtar va kamsuqum yigit, - deydi Navoiy viloyat futbol federaciyasi vice-prezidenti Murod aka Xudoyorov. - Uning xayrli ishidan ayniqsa, futbol muxlislari boshi osmonga etdi. Joylarda bu kabi suniy qoplamali futbol maydonlari ko'paygani yoshlarimiz uchun  katta qulaylik yaratadi.