Alisher SHog'ulomov "Navbahor"ga qarshi o'yindan so'ng: "Baribir jamoamizga tajriba etishmadi"

- “Navbahor”ni g'alaba bilan tabriklayman. O'yin qiziqarli tarzda kechdi. Birinchi bo'limda to'p nazorati jamoamiz tomonida bo'ldi va yigitlar oldilariga qo'yilgan vazifani bajarishdi. Ammo baribir jamoamizga tajriba etishmadi hamda keyinchalik xatolar yuzaga keldi. Jamoamiz darvozasiga penaltidan gol urilganidan keyin yigitlar oldinga o'tishga majbur bo'lishdi va keyin darvozamizdan yana ikkita to'p o'tkazib yubordik.

- Uchrashuv arafasida boshlang'ich tarkibga kiritilgan legioner chigalyozdi mashg'ulotida jarohat oldi. Natijada o'yin arafasida majburiy o'zgarishni amalga oshirdingiz. SHunga batafsil to'xtalib o'tsangiz...

- Braziliyalik hujumchi Karvalo da Silvada kichik jarohat bor edi. O'yindan oldin u o'ynay olishini takidlagandi. Ammo baribir o'yinoldi mashg'ulot payti Karvaloning jarohati o'z so'zini aytdi. SHuning uchun uni alishtirishga majbur bo'ldik. 

- Birinchi bo'limda garchi jamoangiz yaxshi o'yin namoyish etgan bo'lsa-da,  o'yin tempi ham tushib ketdi.Buning sababi nimada?   

- Birinchi bo'limda bizda hisobni ochish uchun imkoniyat bo'ldi, ammo undan foydalana olmadik. Yigitlar charchab qolishdi. Boisi, tarkibimizda ro'za tutgan futbolchilar ham bor. Bu ularga o'z tasirini ko'rsatdi. Ro'za tutishni yigitlarga taqiqlashga haqqimiz yo'q, albatta.

- O'zbekiston kubogi guruh bosqichining 2-turidan o'rin olgan bahsni ”Olimpik”ka qarshi o'tkazasizlar. O'ziga xos “poytaxt derbisi”dan nimalar kutyapsiz?

- “Olimpik”ni yutamiz.

“Navbahor” PFK matbuot xizmati.