Alisher Nikimbaev: "Gollandiya yoki Italiyadan MTJga kuchli murabbiy olib kelish kerak"

- O'zbekiston milliy terma jamoasi nima sababdan mundial yo'llanmasini qo'lga kirita olmadi deb o'ylaysiz?

- Sabablar juda ham ko'p. Bittasini olib aytish mushkul. Biz ko'rgan sabablarning dastlabkisi bu murabbiyning saviyasi. Ikkinchidan futbolchilar o'yinlarga tayyor bo'lishmagandir. Lekin terma jamoaning ichida bo'lmagan odam unga baho berish juda ham qiyin. Biz ko'rgan narsa, murabbiyning futbolchilarni tanlashdagi xatosi bo'ldi. 

- Igor Sergeev terma jamoamizga munosib futbolchi edimi?

- Hujumchi maydonga tushdimi, raqib darvozasiga gol urmasa demak u o'sha o'yinga o'z hissasini qo'shmagan bo'ladi. Mening shahsiy fikrim, Igor Sergeev terma jamoamiz uchun loyiq futbolchi. Faqat uning xayotida nimadur sodir bo'lgan. O'tgan yilgi mavsumda juda ham yaxshi sport formasida bo'lgan. Ichki chempionatda ham OCHLda ham terma jamoa ishtirokidagi o'yinlarda ham gollar urgan. Lekin Xitoyga ijara asosida ko'chib o'tgani faoliyatida qandaydir burulish sodir bo'lgan. Xitoyga borgani katta xato bo'lgan. 

- Milliy terma jamoadan Samvel Babayan istefoga chiqarildi. Endi murabbiylik postiga mahalliy murabbiy olib kelish kerakmi yoki Evropadan kuchli mutaxassis olib kelgani maqulmi?

- Hozirgi vaziyatda faqat chet eldan kuchli mutaxassis olib kelishni aytgan bo'lardim. Bu mening shahsiy fikrim albatta. Men Rossiyalik murabbiylarga ham ishonch bildirmayman. Gollandiyadan yoki bo'lmasam Italiyadan kuchli murabbiyni olib kelish kerak. Terma jamoaga bosh murabbiyni tanlash jarayoning o'zi ham oson emas. CHunki birinchi navbatda futbolimiz qaysi tomonga rivojlanishini bilishimiz kerak. Gollandiya futboli boshqacharoq bo'lishi mumkin, yoki bo'lmasam Italiya futboli umuman boshqacharoq bo'lishi mumkin. SHuning uchun mutaxassislar o'zaro maslaxatlashib yo'nalishlar belgilanganidan so'ng murabbiy tanlash kerak.