Aleksandr Xomyakov: "Umuman olganda bugungi o'yinimiz menga yoqmadi"

"Dastlabki bo'limda juda yomon o'ynadik. Ikkinchi bo'limda o'zimizda kuch topib tezkor gol urdik va oldinga chiqib oldik. Umuman olganda esa o'yinimiz menga yoqmadi. Birinchi davrada juda yaxshi harakat qilgandik. Hozir esa yigitlar o'zlarini bo'sh qo'yib yuborishdi. Sababi boshqa jamoalar bilan oramizdagi farq ancha katta bo'lib ketdi", - deydi Xomyakov.

"To'g'ri ko'p gol urib ko'p o'tkazayapmiz. Ammo 31ta qo'yib yuborilgan gol juda ko'p. O'tkazilgan gollarda faqat darvozabon va himoyachilarning aybi bo'lmaydi".

"Zohir Qo'ziboev uchun xursandman. Oliy ligadagi debyut mavsumida ko'plab gollar urib to'purar bo'lib turibdi. Bundan albatta xursandman".

"O'yinda ko'plab vaziyatlardan foydalana olmadik, buning ustida ishlayapmiz. Mashg'ulotda barchasi o'xshaydi, ammo o'yinda doim ham oson bo'lmaydi".

"Lokomotiv"ga qarshi Toshkentda o'ynash og'ir, biroq agar ulardan ochko olsak bundan albatta xursand bo'lamiz", - deydi Aleksandr Xomyakov.