Aleksandr Xomyakov: "Qo'ziboevning "Mashal"ga qaytganidan xursandman"

Kuni kecha jamoa "Bunyodkor"ga qarshi o'rtoqlik uchrashuvi o'tkazdi. "Qaldirg'ochlar"ning 2:0 hisobidagi g'alabasi bilan tugagan o'yindan so'ng "Mashal" bosh murabbiyi o'z fikrlarini bildirdi.

"Toshkentdagi yig'in rejadagidek davom etmoqda. Bu paytda, shunday stadionda, "Bunyodkor"dek kuchli raqibga qarshi nazorat uchrashuvini o'tkazdik. Ajoyib o'yin bo'ldi, umuman olganda tayyorgarlikdan ko'nglim to'lmoqda. "Bunyodkor"dan farqli ravishda bizda hali vaqt bor. Bir qator kamchiliklar ustida ishlashimiz kerak. "Bunyodkor"ga esa OCHL pley-off bosqichida "Al SHabab"ga qarshi bahsda omad tilayman", - deydi Aleksandr Xomyakov.

"Keyingi rejalarimiz? 7 fevralda "Paxtakor" bilan, 11 fevralda "Olmaliq" bilan o'ynaymiz. SHundan so'ng qisqa tanaffus bo'ladi va adashmasam 15 fevral kuni "Buxoro"ga qarshi maydonga tushamiz".

"Hozircha tarkibimizda u qadar ko'p yangi futbolchilar yo'q. Bular Avaz Agaliev, G'ulom Haydar G'ulomov, SHahboz Erkinov. Tarkibni kuchaytirish bo'yicha ish davom etmoqda. Lekin yangi mavsum uchun tarkibimiz deyarli 90 foizga shakllanib bo'ldi.

"Yangi legioner kelishi borasida hech nima deya olmayman. Hozircha mendan bunday malumot yo'q. Mikita Bukatkin jamoani tark etdi".

"Zohir Qo'ziboevning "Nasaf"ga borib qaytishi borasidagi voqea borasida hech nima bilmayman. Lekin uning "Mashal"ga qaytganidan albatta xursand bo'ldim. U bizga as qotishi aniq", - deydi "gazchilar" ustozi.


Narzulla Saydullaev yozib oldi