Aleksandr Xomyakov: "Birinchi bo'limda juda sust harakat qildik"
13 apr 23:41
Yangiliklar

Aleksandr Xomyakov: "Birinchi bo'limda juda sust harakat qildik"

O'zbekiston kubogining 1-turidan o'rin olgan "Andijon" - "Dinamo" (2:2) uchrashuvidan so'ng mezbonlar bosh murabbiyi Aleksandr Xomyakov matbuot anjumanida ishtirok etdi.

O'yin haqida

- Qiyin o'yin o'tkazdik. "Dinamo" bu o'yinga jiddiy tayyorgarlik ko'rishini bilardik. Ular o'tgan mavsum kubok uchrashuvlarida yaxshi natija ko'rsatishgandi. Yaxshi o'yin uchun raqiblarga minnatdorchilik bildiraman.

O'yinning birinchi bo'limida juda sust harakat qildik. Jamoa o'yini o'ziga o'xshamadi. Ikkinchi bo'limda vaziyatni o'z tomonimizga og'dira oldik, ustunlik va nazorat biz tomonga o'tdi. Qarshi hujumda gol o'tkazib yubordik. 90 daqiqa davomida vaziyatlarga boy o'yin bo'ldi. Stadiondagi muhit, muxlislar, barchasi juda ajoyib.

- Zaxiralarda taktik xatoga yo'l qo'ydim deb hisoblaysizmi?

- Tushunarsiz savol. Zaxiradan o'yinga qo'shilgan 2 ta futbolchi gol urgan bo'lsa, bu qanday qilib mendagi xato bo'lishi mumkin? Zaxiralar o'yinimizni kuchaytirdi. Birgina qarshi hujumdan gol o'tkazib yubordik. Ikkinchi bo'limda zaxiralarni amalga oshirdik, o'yinmizga tezkorlik qo'shildi. Vaziyatlarimiz ko'paydi, shuning evaziga 2 ta to'p kiritdik.