Aleksandr Xomyakov: "Beshinchi o'rin bilan cheklanib qolmasligimiz kerak"

"Avvalo barcha muxlislarni, jurnalistlarni bugungi yubiley bilan tabriklab qolaman. Bugun g'alaba qozona olmaganimizdan biroz xafaman. Lekin raqib kuchli edi. So'nggi daqiqalarda gol urib hisobni tenglashtirganimizdan xursandman. "Nasaf" menimcha bugun muddatdan oldin bronza medalini qo'lga kiritdi. Bayramona kayfiyatni saqlab qolganimizdan mamnunman", - deb gap boshladi Xomyakov.

- "Andijon" va "Mashal" bu yil birinchi ligadan chiqishdi. Biri yana birinchi ligaga tushib ketdi, ikkinchisi esa beshinchi o'rinda... Buning siri nimada?
- Buni bir ikki og'iz gap bilan ifodalab bera olmayman. Buni o'tgan yildan boshlganmiz. Barcha yigitlarni bir jamoa bo'lishlariga intildik. Bu muhim faktorlardan biri sanaladi.

- "Mashal" mavsum boshida ko'p yangi futbolchilarni sotib olmay turib ham beshinchi o'rinni qo'lga kiritdi. Qaysi futbolchilar sizning umidingizni oqlashdi.
- Oliy ligaga chiqqanimizda rejamizda darhol bu ligada o'ynab keta oladigan jamoa tuzish edi. Tarkibimizga bir ikkita tajribali futbolchilarni qo'shib olgandik. Ammo asosiy urg'uni o'zimizning yigitlarga qaratdik. Har bir futbolchimiz rivojlanishdan to'xtab qolmasligimiz kerak. Beshinchi o'rin eng yuqori o'rin emas, eng oliy o'rin bu birinchi!

Islombek Rustambekov yozib oldi