Aleksandr Petrov: "Eron klubi favorit va ularga qarshi og'ir o'yin bo'ladi"
11 iyu 2016 17:53
Yangiliklar
![](https://championat.asia/upload/storage/214912_original.jpg)
![](/upload/storage/214912_220.jpg)
Aleksandr Petrov: "Eron klubi favorit va ularga qarshi og'ir o'yin bo'ladi"
Olmaliqliklar musobaqaga jo'nab ketishidan oldin jamoa ustozi Aleksandr Petrovning fikrlari bilan qiziqdik.
- Jamoa Osiyo chempionatiga qay tariqa tayyorgarlik ko'rdi?
- Musobaqaga imkon qadar yaxshi tayyorgarlik ko'rishga harakat qildik, o'yinchilarning jismoniy holati bilan maxsus murabbiy ishladi. Yaqindagina tog'da 2 haftalik yig'in o'tkazdik. U erda kuniga ikki mahaldan mashg'ulot olib bordik, oxirgi haftada esa Toshkentda kuniga bir mahaldan shug'ullandik va bir nechta nazorat uchrashuvlari o'tkazdik.
Tailandga etib borganimizdan so'ng, u erda Vetnam yoki Xitoy klubi bilan yana bir o'rtoqlik uchrashuvi o'tkazamiz.
- Mashg'ulotlarni kuzata turib tarkibda jarohatlanganlar borligiga ko'zimiz tushdi. Bu o'yinchilarning jarohati jiddiymi?
- So'nggi haftadagi mashg'ulotlarda jarohatlanganlar yakka tartibda shug'ullanishdi. CHunki, ularning sog'lig'i bilan tavakkal qilishni istamadik. Lekin, bu futzalchilar Osiyo chempionatida o'ynay olishadi.
- Qura "Olmaliq"qa unchalik omadli kelmadi, amaldagi chempionga qarshi harakat qilish qiyinmi?
- Quradan oldin uchinchi savatchada bo'lganimiz uchun ham mana shunday guruhga tushdik. Lekin, Eron va Livan chempionlari qarshiligini engishimiz shart. CHunki, jamoa qanday qilib bo'lsa ham guruhdan chiqishi kerak. Eron klubi favorit va ularga qarshi og'ir o'yin bo'ladi. Ularning tarkibida Osiyoning eng kuchli futzalchilaridan biri SHamsai harakat qiladi, mashg'ulotlarda ularga qarshi qanday o'ynash kerakligi ustida ishladik.
O’xshash yangiliklar
![AMP Logo](https://championat.asia/image/logo-amp.png)
Fikrlar