Aleksandr Krestinin: "Biz guruhdan chiqishimiz kerak"

Qirg'izistonliklar "A" guruhida Hindiston, Myanma va Makao bilan kuch sinashishadi.

"Qura natijalaridan xursand bo'lish yaramaydi - hammasi maydonda hal bo'ladi. Biz bir bosh ustunmiz, ammo bu hech narsani hal qilmaydi, hamma narsa bo'lishi mumkin. Raqiblarimizga kuchimiz etadi va biz guruhdan chiqishga majburmiz. Bir tomondan qarasak, bizga qo'shimcha saralash o'yinlarida qatnashgan jamoa tushganini ko'ramiz. Boshqa tomondan esa, ikkinchi o'rin uchun ular orasida keskin kurash bo'lishini tushunish mumkin. Uchchala jamoaning imkoniyatlari teng. Biz uchun asosiysi ular orasidagi kurashga qo'shilib qolmasdan, o'z o'yinimiz haqida o'ylab, maqsad sari xotirjam intilish. Maqsadimiz esa bitta - Osiyo Kubogida ishtirok etish" - deydi Krestinin.