Aleksandr Geynrix: Loko rahbariyati bilan chiqishmay qoldik va o'zaro kelishuvga ko'ra jamoani tark etdim

- "Yangi mavsumga Toshkentning "Lokomotiv" jamoasi bilan taraddud ko'rayotgan edim. Biroq klub rahbariyati bilan chiqishmay qoldik va keyinchalik o'zaro kelishuvga ko'ra jamoani tark etdim. SHunga qaramasdan Toshkentda o'z sport formamni ushlab turishga harakat qildim. SHundan so'ng "Ordabasi" klubidan rasman taklif tushdi va men bu chorlovni xursandchilik bilan qabul qildim. "Ordabasi"ning Evropa ligasida o'ynashi bu katta plyus. Bu narsa men uchun ham katta chorlov bo'ladi. Futbolchi sifatida ushbu nufuzli turnirda munosib qatnashishga harakat qilaman. SHuningdek, jamoamiz uchun ham bu juda muhim musobaqa bo'ladi", - deya o'z fikrlarini bildirib o'tdi Aleksandr Geynrix.

- Bazi OAVda sizga "Irtish" jamoasi ham qiziqish bildirayotganligi haqida xabarlar paydo bo'lgandi?
- Men "Lokomotiv" yig'inlarida qatnashayotganimda pavlodarliklardan qiziqishlar bo'lib turgandi. Ammo rasmiy taklif bilan menga murojaat etishgani yo'q.

- Viktor Kumikov bilan tanishmisizlar?

- SHaxsan tanish emasman, lekin ushbu mutaxassis haqida ko'plab malumotga egaman. Viktor Kumikov o'z vaqtida O'zbekiston chempionatida ham faoliyat yuritgan va ish uslubidan qisman xabardorman. Ancha qattiqqo'l va talabchan murabbiy deb bilaman.

- "Ordabasi" futbolchilaridan kimlarni taniysiz?

- Ko'pchiligi bilan tanishman. Ayniqsa Andrey Sidelnikov bilan yaqin do'stmiz. Bizning oilaviy bordi-keldimiz bor. Andrey mening eng yaxshi do'stlarimdan biri. "Ordabasi"da birga o'ynashimiz bu ham bir plyus bo'ladi. Mening asosiy maqsadim - bu jamoamning har bir turnirda munosib ishtirok etishi va g'alabalarni qo'lga kiritishi.