Aleksandr Ejov "Olmaliq"da!

Kuniga ikki mahaldan mashg'ulot olib borayotgan jamoa futbolchilari ertaga "Futbol-Med"da tibbiy ko'rikdan o'tishadi. Tushdan keyin odatdagidek mashg'ulotlar davom etadi.

8 yanvar kuni dastlab "Bunyodkor" jamoasi bilan nazorat bahsi o'tkazilsa, kechki payt O'FF hakamlar qo'mitasi mutaxassislari ishtirokida seminar tashkil etiladi. Unda jamoa murabbiylar shtabi va futbolchilar o'yin qoidalaridagi o'zgarishlar haqida malumotga ega bo'lishadi.

Jamoamizda yana bir o'zgarish bor. Toshkentdagi yig'inda jamoa murabbiylar shtabiga Aleksandr Ejov ham qo'shildi. U jamoada murabbiy-selekcioner lavozimida ish yuritadi.