Aleksandr Ejov: "Xorazm"ga yordam berish maqsadida qaytdim"

"Yigitlar hayajonlangani sezilib turdi. CHunki, bir necha uchrashuvdan beri g'alaba qozona olishmayapti. Ishlashda oldinga intilishda davom etamiz. Futbolchilar bilan gaplashib olamiz, bizga g'alaba kerak. "Istiqlol"ni g'alaba bilan tabriklayman. Yutsa jamoa yutadi, mag'lubiyatga doim murabbiy aybdor bo'ladi. Qisqa vaqt ichida tayyorgarlik ko'rdik. Ishlashda davom etamiz, "Xorazm"da futbol o'smoqda. Yigitlar bilan bo'lajak rejalar, maqsadlar haqida gaplashamiz. Biz hozir bir muncha qiyin holatdamiz, vaziyatni o'nglashga harakat qilamiz.

Himoyadagi harakatlarimizda ko'p xatolarga yo'l qo'ymoqdamiz. Birinchi galda himoyadagi muammolarni hal qilishimiz kerak. Boisi oldingi o'yinlarga nazar solsak juda ko'p gol o'tkazib yuborganmiz. Qisqa vaqt ichida har tomonlama tayyor holatga kelishimiz lozim. Muxlislar "Xorazm"dan g'alabalar kutishmoqda, mavsumni bunchalik yomon boshlamaganmiz ilgari.

Biz qoraqalpoqlik yoki boshqa deb ajratmaymiz. Hammamiz O'zbekiston fuqarosimiz. Bugun harakat qilgan qoraqalpog'istonlik futbolchilarga etirozim yo'q, yaxshi o'ynashdi. Faqat jismoniy tomondan kamchiliklar bor. Ishlaymiz, oldinga qarab harakat qilamiz. O'z vaqtida bu viloyatdan ko'p yulduz futbolchilar etishib chiqqan. Nematulla Quttiboev, Maqsatulla Quttiboevlarni hurmat qilaman. Damir Nizanov texnik tomondan yomon futbolchi emas. Faqat jismoniy holatini yaxshilashi kerak. Bu umumiy jamoaga

"Oq-tepa" jamoasi rahbarlari G'anisher aka SHog'ulomov, Alisher SHog'ulomovga vaziyatni to'g'ri tushunib meni qo'yib yuborishgani uchun rahmat aytaman. "Xorazm"ga yordam berish maqsadida, turnir jadvalidagi holatimizni yaxshilash uchun keldim",- deydi Ejov.