Al Xelayfi Mbappe pul sabab "Real"ga o'tishni rad etmaganini aytdi

Uning so'zlariga ko'ra, 23 yoshli francuz pul sabab Parij klubi bilan shartnomani uzaytirish qarorini qabul qilmagan.

"Real"ga katta hurmat bilan munosabatdaman, bu buyuk klub. Kilian pul sabab shartnomasini uzaytirish qaroriga kelmadi. "Real"ning taklifi biznikidan yaxshiroq edi. U bizning o'yinchimiz. Madriddan tashqari unda Angliyada variantlar bor edi, ammo u PSJni tanladi", — Al Xelayfi.

Mbappe o'tgan mavsum parijliklar tarkibida barcha musobaqalarda 46ta o'yinda maydonga tushib, 39ta gol va 26ta assist qayd etdi. Hujumchining klub bilan shartnomasi 2025 yilning 30 iyuniga qadar mo'ljallangan.