"Al Hilol" Saudiya Arabistoni Qirol kubogini qo'lga kiritdi va "Al Nassr"ning OCHL uchun imkoniyatini saqlab qoldi
13 may 2023 08:00
Yangiliklar

"Al Hilol" Saudiya Arabistoni Qirol kubogini qo'lga kiritdi va "Al Nassr"ning OCHL uchun imkoniyatini saqlab qoldi

Tunda Jiddadagi "Qirol Abdulloh Siti" stadionida "Al Hilol" va "Al Vahda" o'rtasidagi bahs bo'lib o'tdi.

Uchrashuvning asosiy vaqtida 1:1 hisobi qayd etildi. Etiborlisi "Al Hilol" 90+9-daqiqada hisobni tenglashtirdi. Ekstra taymlarda ham hisob o'zgarmadi va g'olib penaltilar seriyasida aniqlandi.

Unda "Al Hilol" 7:6 hisobida zafar quchdi va Saudiya Arabistoni Qirol kubogini qo'lga kiritdi. Bundan tashqari "Hilol" yangi mavsumda Ronaldu va hamyurtimiz Jaloliddin Masharipov to'p tepayotgan "Al Nassr"ning Osiyo chempionlar ligasida ishtirok etishi uchun imkoniyat qoldirdi.

"Al Nassr" OCHLga chiqishi uchun bu mavsum Saudiya Arabistoni chempionatida 2-o'rindan pastga tushmasa bo'lgani.

Saudiya Arabistoni Qirol kubogi, Final
"Al Hilol" - "Al Vahda" 1:1 (penaltilar seriyasi 7:6)
Gollar: Ali Al Bulayhi 90+9 - Abdul Karim Yoda 35.