"Al Hilol" bosh murabbiyni ishdan bo'shatdi

Saudiya Arabistonining "Al Hilol" klubi kecha "Istiqlol" mehmoni bo'lib, 0:1 hisobida mag'lub bo'ldi. Natijada "Al Hilol" klubi rahbari o'yin tugagan zahoti bosh murabbiy Ramon Diasni ishdan bo'shatdi.

Bu xabarni "Al Hilol"ning Tvitterdagi rasmiy akkaunti ham tasdiqladi. O'tgan yilgi OCHL finalchisi bu yil musobaqani yaxshi boshlay olmadi. "Al Hilol" dastlabki ikki turdan so'ng guruh jadvalida oxirgi o'rinni egallab turibdi. Qolaversa, saudiyaliklar ikkala o'yinda ham gol ura olishmadi.

Endilikda jamoani bungacha "Al Hilol" U-21 jamoasida ishlab kelgan Xuan Ignasio Braun boshqarib turadi. Uning OCHLdagi birinchi o'yini 6 mart kuni Qatarning "Al Rayan" klubiga qarshi kechadi.