"Al Hilol" bilan o'yinga chipta yutib olishni xohlaysizmi?

21 aprel kuni Saudiya Arabistonining eng kuchli klublaridan biri "Al Hilol" Toshkentda mehmon bo'ladi. Aminmizki, hozirdanoq "Lokomotiv" - "Al Hilol" bahsiga qiziqish yuqori. Ayniqsa, "temiryo'lchilar" o'z maydonida "Al Sadd"ni 5:0 hisobida mag'lub etganidan so'ng jamoamizda keyingi bosqichga chiqish uchun yana imkoniyat yuzaga keldi.

SHu o'rinda jamoamizga befarq bo'lmagan muxlislar uchun kichik bir konkurs tashkil qilmoqchimiz. Xabaringiz bor, 13 aprel kuni "Lokomotiv" o'z maydonida "Bunyodkor"ni qabul qiladi. Mana shu o'yin sabab sizda "Al Hilol" bilan bo'ladigan uchrashuvga ikkita chipta yutib olish imkoniyati bor. Qanday qilib deysizmi? Marhamat, "Lokomotiv"ning "Bunyodkor"ga qarshi maydonga tushadigan asosiy tarkibi (11talik)ni to'g'ri toping va OCHL o'yiniga 2ta chipta yutib oling.

Xo'sh, sizningcha, Vadim Abramov "Bunyodkor"ga qarshi qanday tarkibni maydonga tushiradi? Bir tavakkal qilib o'z variantingizni elektron pochtamizga jo'nating, balki to'g'ri chiqib qolar. SHunda siz "Al Hilol" bilan o'yinga ikkita chipta yutib olish imkoniyatiga ega bo'lasiz.

Eslatma: Variantlar 13 aprel, soat 12:00gacha qabul qilinadi.
Elektron pochtamiz: [email protected]
Izoh: Faqat ko'rsatilgan elektron pochtaga kelgan variantlargina inobatga olinadi
Qoida: Agar ikki va undan ortiq kishining varianti bir xil to'g'ri chiqib qolsa, elektron pochtaga kim birinchi bo'lib xat jo'natgan bo'lsa, o'sha chipta sohibiga aylanadi.
Imkoniyat: Har bir kishi yuboradigan variant bittadan ortiq bo'lmasligi kerak
SHunday ekan, bugundanoq o'z variantingizni yuborishni boshlayvering.