"Al Fateh" - "Nasaf". Raqamlar aldamaydi

O'yinni deyarli barcha ko'rdi va natijani hamma juda yaxshi biladi. Afsuski "ajdarlar" Saudiya Arabistonida bitta gol o'tkazib yuborib guruh bosqichidan mahrum bo'lishdi. Biz kechagi o'yinning statistik ko'rsatkchilarini muxlislarimizga taqdim etishga qaror qildik.

Dastlab umumiy statistikaga keyin "Nasaf" futbolchilarining statistikasiga to'xtalib o'tamiz.

"Al Fateh" uchrashuvda to'pni nazorat qilishda ustunlikka ega bo'ldi - 54 foiz. Mezbonlar burchak to'plarini ham ko'proq amalga oshirishganiga guvohi bo'lamiz - 9:6.

Pas berish bo'yicha "Nasaf" raqibidan deyarli 100taga ortda qoldi. Biroq jamoamiz uzun paslarni ko'proq amalga oshirgani etiborga molik - 62:55. Havolatib to'pni oshirishda ham ustunlik "Nasaf" tomonida bo'lgan - 27:24.  

Zarba berishda ham Ro'ziqul Berdiev shogirdlari maydon egalaridan ustun bo'lishdi - 13:11. Aniq zarbalarda esa tenglik kuzatildi - 2:2. "Al Fateh" jarima maydoni tashqarisidan, "Nasaf" esa aksincha jarima maydoni ichidan ko'p zarba berdi. Zarbalar aniqligi ikkala jamoa ham juda past bo'ldi. Foizda 20ga ham etmadi.

Jamoalar o'yin qoidasini ham teng buzishdi - 12tadan. Sariq kartochka olishda "Nasaf" biroz "faolroq" bo'ldi.

Al Fateh	Ko'rsatkich	Nasaf
1	Gol	0
54,7 %	To'pni nazorat qilish	45,3 %
13	To'p olib qo'yish	13
1	Offsayd	1
9	Burchak to'pi	6
493	Paslar	394
55	Uzun paslar	62
79,1 %	Paslar aniqligi	72,6 %
69,8 %	Raqib maydonida paslar aniqligi	61,8 %
24	Krosslar	27
8,3 %	Krosslar aniqligi	18,5 %
11	Zarba	13
2	Aniq zarba	2
4	Bloklangan zarba	4
9	Jarima maydoni tashqarisidan zarba	4
2	Jarima maydoni ichidan zarba	9
18,2 %	Zarbalar aniqligi	15,4 %
24	To'p uchun kurashlar	22
83,3 %	Kurashdagi g'oliblik foizi	81,8 %
12	Qoida buzish	12
2	Sariq kartochka	3
0	Qizil kartochka	0

Endi "Nasaf" futbolchilarining o'yindagi ko'rsatkichlariga to'xtalamiz. Sanjar Quvvatov o'z darvozasiga yo'llangan ikkita aniq zarbadan bittasini qaytardi, ikkinchisi gol bilan tugadi.

O'yinchilar orasida eng ko'p zarbani Dragan CHeran yo'lladi - 5ta. Biroq legioner futbolchining hech bir zarbasi aniq borgani yo'q. Bahrom Abdurahimov va Odiljon Hamrobekovlar 3 martadan noaniq zarba berishdi. Farrux Sayfiev va zaxiradan maydonga tushgan SHaxboz Erkinov bir martadan raqib darvozasiga aniq zarba yo'llay olishdi xolos.

Xavfli vaziyat yaratish ham "Nasaf"da juda kam bo'ldi. Abdurahimov 2 marta sheriklariga qulay imkoniyat yaratdi. Sayfiev, SHorahmedov, Hamrobekov, Narzullaev va CHeran bir martadan shunday ish qilishdi xolos.



"Ajdarlar" safida eng ko'p to'pga tekkan o'yinchi bu Farrux Sayfiev bo'ldi - 75 marta. Uchrashuvni to'liq o'tkazgan Doniyor Narzullaev 43 martagina to'pga tegindi xolos. Eng ko'p pas oshirgan futbolchi esa Azizjon G'aniev bo'ldi. Yarim himoyachi 53 marta to'p uzatdi. Paslarning aniqligi borasida SHerzod Azamov, Bahrom Abdurahimov va Odiljon Hamrobekov boshqalardan ustun bo'lishdi - 83 foiz. Narzullaevning har ikkinchi pasi noaniq ketganini statistika ko'rsatib turibdi.

Azizjon G'aniev va Akmal SHorahmedov to'p uchun eng kurashga qo'shilgan futbolchilar bo'lishdi. Bahrom Abdurahimovga nisbatan raqiblar eng ko'p qoida buzishgan - 5 marta. "Ajdarlar" safida eng ko'p qo'pollik ishlatgan futbolchi esa Dragan CHeran bo'ldi - 3ta.

"Nasaf" futbolchilarining "Al Fateh" bilan o'yindagi statistik ko'rsatkchilari:

Sanjar Quvvatovning o'yindagi statistikasi: Darvozasi tomon aniq zarbalar 2ta, seyvlar 1ta.

 

	1*	2	3	4	5	6	7	8	9	10
Farrux Sayfiev	90	1	1	1	75	39	74,4%	0	0	1
Maqsud Karimov	61	0	0	0	33	21	66,7%	1	0	0
SHerzod Azamov	90	0	0	0	56	48	83,3%	0	0	2
Igor Golban	90	0	0	0	56	43	60,5%	1	0	2
Akmal SHorahmedov	81	0	0	1	60	30	73,3%	5	0	1
Bahrom Abdurahimov	90	3	0	2	61	36	83,3%	1	5	2
Odiljon Hamrobekov	90	3	0	1	66	42	83,3%	2	2	0
Azizjon G'aniev	89	0	0	0	71	53	79,2%	6	0	0
Doniyor Narzullaev	90	0	0	1	43	24	50	2	2	0
Dragan CHeran	90	5	0	1	49	32	71,9%	2	3	3
SHahboz Erkinov	29	1	1	0	12	6	66,7%	2	0	1
Islom Kenjaboev	9	0	0	0	6	4	50%	0	0	0
Bobir Abdixoliqov	1	0	0	0	1	1	0%	0	0	0

 

* - Izoh: 1 – daqiqa, 2 – zarba, 3 – aniq zarba, 4 – vaziyat yaratish, 5 – to'pga tegish, 6 – pas berish, 7 – aniq pas, 8 – to'p uchun kurash, 9 – unga nisbatan qoida buzilgan, 10 – u qoida buzgan.

Bugun "Al Jayish" - "Bunyodkor" uchrashuvining statistik tahlili bilan ham tanishtiramiz.

OFK malumotlari asosida Narzulla Saydullaev tayyorladi