Akrom Komilov: "Saudiya Arabistoniga bejizga kelmaganimizni isbotlash vaqti keldi"

Raqib esa nomdor "Al Hilol" jamoasi. Mazkur bahs oldidan AGMKning mudofaa chizig'i vakili Akrom Komilov saytimizga fikrlarini bildirib o'tdi. 

"Bugungi to'qnashuv jamoamiz uchun OCHL guruh bosqichidagi debyut o'yin hisoblanadi. Raqib haqida nima ham derdim. "Al Hilol" shubhasiz musobaqaning favoritlaridan biri. Lekin biz bu erga bejizga kelmaganimizni isbotlamoqchimiz. Uchrashuv qiziqarli va murosasiz kechishini taxmin qilishim mumkin.

OCHLda hali ko'p o'yin o'tkazganimiz yo'q. SHu bois o'yindan-o'yinga jismoniy holatimiz yanada yaxshilanib boradi. O'ylaymanki, bu borada muammo bo'lmaydi. Tashkilotchilik yaxshi bo'lmoqda. Yomon deya olmayman. Iftorlikni hisobga olgan holda uchrashuvlarning qulay vaqtga qo'yilganligi juda yaxshi bo'ldi. Ikki jamoa ham bemalol iftorlikni qilib bahsga hozirlik ko'radi",- deydi Akrom Komilov.