Akrom Komilov: "Nasaf" bizga yaxshigina qiyinchilik tug'dirdi"

Ushbu turda Toshkentning "Bunyodkor" jamoasi o'z uyida Qarshining "Nasaf" jamoasini qabul qildi va 2:1 hisobida g'alaba qozondi. Uchrashuv yakunlanganidan so'ng, "qaldirg'ochlar" himoyachisi Akrom Komilov o'z fikrlarini bildirib o'tdi.

"Bundan avval bo'lib o'tgan 3ta og'ir o'yinda mag'lub bo'ldik. O'zimizga kelishimiz qiyin bo'ldi. Murabbiylarimiz bizga kerakli ko'rsatmalarni berdi va "Nasaf" bilan o'yinda nima qilib bo'lsa ham g'alaba qozonishimiz kerakligini aytishdi. "Nasaf"ga qarshi bahsda hujumda va himoyada yaxshi harakat qildik. 

SHuni evaziga g'alaba qozondik, deb o'ylayman. Bir kishini alohida ko'rsatmagan bo'lardim. "Nasaf" jamoasida har bir poziciyada yaxshi o'yin ko'rsata oladigan futbolchilar bor. SHuning uchun ularda ham, bizda ham jamoaviy o'yin kuchli. SHu sababli "Nasaf" bizga yaxshigina qiyinchilik tug'dirdi", - deydi Akrom Komilov.