Akrom Komilov: "Guruh bosqichidan chiqa olmagan bo'lsak ham g'alaba qozonishimiz shart edi"

Ushbu uchrashuvdan so'ng "Bunyodkor" jamoasi himoyachisi Akrom Komilov o'yin haqida o'z fikrlari bilan o'rtoqlashdi.

"Biz guruh bosqichidan chiqa olmagan bo'lsak ham g'alaba qozonishimiz shart edi. Murabbiylar shtabi bizga bosimsiz o'yin ko'rsatishimizni takidlashdi. Murabbiyimizning ko'rsatmalariga amal qilgan holda harakat qildik va 3 ochkoni qo'lga kiritdik. Guruhda qolib ketgan bo'lsak ham muxlislarimizni xursand qilishga erishdik deb o'ylayman. Hisob yirikroq ham bo'lishi mumkin edi. Yaratilgan imkoniyatlarning barchasidan foydalana foydalana ololmadik. Keyingi turda "Al Ayn" jamoasiga qarshi safarfda bahs olib boramiz. Nima bo'lgan taqdirda ham ularni mag'lubiyatga uchratishga harakat qilamiz", - deydi Akrom Komilov.

Jahongir Sotvoldiev yozib oldi