Akmal Saitqulov: "Asror Aliqulov jamoamizni tark etgani yo'q"

O'yin haqida

- Avvalambor "Neftchi" jamoasini va muxlislarini g'alaba bilan tabriklayman. Ular Superligaga chiqishga loyiq jamoa tuzishgan, tarkibida bir qator legionerlar bor. Tarkibimizda yosh futbolchilar bo'lishiga qaramasdan bugun kuchli raqibga munosib qarshilik ko'rsatdik deb o'ylayman. Himoyada yo'l qo'yilgan ayrim xatolar evaziga gol o'tkazib yubordik. Futbolchilarimizda ozroq malaka etishmayapti.

- Bugun jamoangiz kuchli raqibga qarshi tartibli himoyalangan xolda qarshi hujumda urg'u qaratdi. Oldingi chiziqda jamoa hujumchisi Bekzod Suvonov yolg'izlanib qolgandek ko'rindi...

- To'g'ri aytdingiz, haqiqatdan ham hujumchimiz Bekzod Suvonov oldinda yolg'izlanib qoldi. Biz bugun himoyaviy o'yin tashkil etdik. Oldingi chiziqqa Bekzod Suvonovni chiqarib tezkor qarshi hujumlarga o'tib ketishni maqsad qilgandik. Lekin hujumda bizga ozgina kuch etishmadi. O'yinni kuchaytirish uchun zaxira o'rindig'imiz tor. SHunda bo'lsa ham yigitlar qanotlarda faollik namoyish etishdi.

- Jamoa oldidagi taqiq olib tashlangan bo'lsa ham hozircha transferlarga rasmiy ruxsat berilgani yo'q. Birinchi davra yakuniga qadar sizlarning etiboringizdagi futbolchilar boshqa jamoalarga ketib qolishi ehtimoli bor. SHu vaziyatga qanday izoh berasiz?

- Hozirda bu borada klub rahbariyati va murabbiylar shtabi ish olib bormoqda. Ko'z ostiga olingan futbolchilar bor, lekin ularni zayavka qila olganimizcha yo'q. Jamoada hujumkor va qanotlarda faollik namoyish etadigan futbolchilar kam. SHu sabab biz hujumkor yoshlarni tarkibga qo'shib olishni maqsad qilganmiz. Transfer oynasi ochilsa hozirda biz bilan birga mashg'ulotlar o'tkazayotgan futbolchilarni ro'yxatdan o'tkazamiz.

- Kun tartibidagi savol.  Asror Aliqulov jamoani tark etganmi yoki qaytadimi?

- Asror Aliqulov jamoamizni tark etgani yo'q. U ayni damda davolanish kurslarini olib bormoqda. SHuningdek yaqinda PRO liceziyasiga o'qishlar boshlanadi, shunga tayyorgarlik ko'rmoqda. Asror Aliqulov jamoamiz murabbiylar shtabi bilan birga va bizga muntazam o'z ko'rsatmalari bilan yordam berib kelmoqda.