Akmal Ortiqov: “G'alaba qozonib muxlislarni xursand qilmoqchimiz”

O'tgan turda “Olmaliq” maydonidan ijobiy natija bilan qayta olmagan “lochinlar” bu safar o'z muxlislari qarshisida g'alabani qo'lga kiritishni maqsad qilishgan. O'yindan oldin “Navbahor” posboni Akmal Ortiqovning bo'lajak o'yin haqidagi fikrlari bilan qiziqdik.

“Obod” bilan bo'ladigan uchrashuvga munosib tarzda tayyorgarlik ko'rdik deb ayta olaman. Toshkentliklar bilan bo'ladigan o'yinda maydonga faqat g'alabani ko'zlagan holda tushamiz. G'alaba qozonish orqali muxlislarimizni xursand qilishni maqsad qilganmiz. O'z navbatida qo'lga kiritaladigan yutuq orqali nafaqat musobaqa jadvalidagi mavqeimizni mustahkamlab olishni balki ruhiy holatimizni ham tiklab olishni ko'zlaganmiz, - deydi darvozabon.

"Navbahor" matbuot xizmati