Hakamlarga yordamchi sifatida kiritilgan tizimdan eng ko'p Arteta va Iraola jamoalari aziyat chekkan.
"Arsenal" hakamlarning xatolari tufayli 7 ochko yo'qotgan, agarda hammasi xatolarsiz hal qilinganida – Mikel Arteta shogirdlari chempionatda yetakchilik qilayotgan bo'lardi.
"Bornmut" esa "VAR"ning "a'lo" darajada ishlashi tufayli 5 ochko va ehtimoliy TOP-3dagi o'rnini yo'qotgan.
Shundoq ham ketmoni uchmayotgan MYU ham hakamlar xatolari tufayli 4 ochkodan mahrum bo'lgan. Biroq bir qarashda vaziyat "qizil iblislar" uchun juda yaxshi tomonga o'zgarib ham ketmas ekan – 15 va 11-o'rinlar orasida avvallari chempionlik uchun kurashgan klub uchun farq katta bo'lmasa kerak.
