Abubakr Mo'ydinov: "Dinamo" yarim finalga tasodifan chiqib qolmadi. "Nasaf" bilan jang bo'ladi"
18 okt 2023 17:50
Yangiliklar

Abubakr Mo'ydinov: "Dinamo" yarim finalga tasodifan chiqib qolmadi. "Nasaf" bilan jang bo'ladi"

Bu yil O'zbekiston Kubogida Pro ligadan faqat "Dinamo" yarim finalgacha etib keldi.

Vadim Abramov jamoasi ertaga final yo'llanmasi uchun Qarshida "Nasaf" bilan to'qnash keladi. Mazkur uchrashuv oldidan "Dinamo" futbolchisi Abubakr Mo'ydinov fikrlari bilan o'rtoqlashdi.

"O'yinga barchamiz tayyormiz. Xudo xohlasa, ertaga faqat g'alaba uchun maydonga chiqamiz. Yarim finalgacha etib kelganimizni tasodif demagan bo'lardim. Bizga o'yinni qaerda bo'lishining farqi yo'q. Maqsad – faqat g'alaba. Finalgacha bir qadam qoldi. Yigitlar o'yin masuliyatini his qilib turibdi. Ertaga faqat jang bo'ladi, chunki yarim final bitta o'yindan iborat. Ortga yo'l yo'q", – deydi Abubakr Mo'ydinov.

Abdulaziz Iskandarov suhbatlashdi