Abubakir Ashurov: "Bizni qo'llab-quvvatlagan barchaga minnatdorchilik bildiramiz va ulardan uzr so'raymiz"

"Hakamning so'nggi hushtagi chalingunga qadar harakat qildik. G'alaba nasib qilmagan ekan. Kichik detallarga etibor bermaganimiz tufayli raqib darvozasini ishg'ol qila olmadik hamda o'yin oxirida bir lahza etiborni yo'qotish oqibatida to'p o'tkazib yubordik. Bizni qo'llab-quvvatlagan barchaga minnatdorchilik bildiramiz va ulardan uzr so'raymiz. Kelgusi musobaqalarda natijamizni yaxshilash uchun harakat qilamiz. 

Qo'shimcha bo'lim haqida o'ylash xayolimizda yo'q edi. O'yin taqdirini asosiy vaqtning o'zida hal qilmoqchi edik. Diqqatni yo'qotganimiz tufayli yana standart vaziyatdan gol qabul qilib oldik", dedi yoshlar terma jamoamiz himoyachisi.