Abduqahhor Marufaliev: “Bunyodkor”ga qarshi o'yin oson bo'lmaydi"

- “Bunyodkor” mamlakatimizning eng kuchli jamoalaridan biri. Bu jamoa bu yilgi mavsumni juda ko'tarinki kayfiyatda o'tkazayapti. Jamoada iqtidorli yosh o'yinchilar jamlanishgan. Ular hamisha g'alaba ishtiyoqida maydonga chiqishadi. SHu manoda O'zbekiston kubogining chorak finalidagi to'qnashuvimiz biz uchun oson kechmaydi. CHempionatning birinchi davrasida “qaldirg'ochlar” bilan o'z uyimizda durang o'ynagandik. Lekin, bitta mavsumda “Bunyodkor” bilan ketma ket uchrashuvlarda muvaffaqiyatli o'ynash, ijobiy natijaga erishish uchun “boshdan baland sakrash” lozim. Ammo biz ham qarab turmaymiz. Kubok o'yinida jamoalarning imkoniyatlari hamisha teng baholanadi. SHunday ekan, “Metallurg” bugun ishqibozlar uchun chiroyli futbol namoyish etadi, deydi Abduqahhor Marufaliev.


"Metallurg" matbuot xizmati