Abdumalik Hakimov: “Kurslar biz uchun omadli o'tmoqda”

- “V” licenziyasi uchun o'tayotgan mazkur kurslar biz murabbiylar uchun omadli bo'lmoqda desam yanglishmagan bo'laman. Negaki, kurs davomida bir nechta mutaxassislarning talimini oldik. Avvaliga Islom Ahmedov boshchiligida start oldi. U kishiga “Navbahor”dan taklif bo'lgach, kursga OFKning yana bir instruktori Usmon Toshev boshchilik qilib, bizga o'z maruzalari bilan bilim berdi. Usmon Qudratovich ham yaqinda xorij jo'nab ketdi. Endilikda bizga Farhod Abdullaev ustozlik qilmoqda. OFK instruktori va oliy liga nazoratchisi bo'lgan Farhod Alisherovich ham turli video tasmalar bilan saboq berib kelmoqda. Bularning har biridan turlicha bilim oldik. Albatta hammasi kelajakda asqotishi tabiiy. Asosiysi rang-baranglik bor.

- O'qish bilan birga Toshkentdagi rasmiy bahslarga borib, tahlil qilyapmiz. Xususan “Paxtakor” va “Bunyodkor”ni OCHL doirasidan o'rin olgan uydagi bahslariga tashrif buyurdik. Xullasa kurs haqida fikrim ijobiy. Ajoyib taassurot qoldirmoqda. Bu men uchun muhim edi.

- O'qish yakunida olgan bilimlarimiz asosida referat yozib, imtihon topshiramiz.

- Men va yordamchim Ilhom Zaylobiddinov ayni dam “V” licenziyasi uchun o'qiyotgan bo'lsakda, “Cementchi”da ishlar reja asosida ketmoqda. Boshqa yordamchi murabbiy bor. U bilan har kuni bog'lanib, klub xolidan xabar olib turibman.

- 5 mart kuni futbolchilar Toshkentga kelib, tibbiy ko'rikdan o'tib ketdi. SHunda o'yinchilar bilan ham gaplashib oldik. Tarkibda jiddiy o'zgarishlar yo'q. Faqat Umid Boqiev bilan xayrlashganimizi aytib o'tishim kerak. Markaziy yarim himoyachi bilan sharoitlar borasida kelisha olmadik. Uning o'rniga “Neftchi”dan Alisher Fayzullaevni ijaraga olganmiz – deydi Abdumalik Hakimov.