Abdumalik Hakimov: “Birinchi liganing bu yilgi o'tkazish tizimi menga maqul keldi”

Unda elita klublari bilan bir qatorda birinchi liga jamoalarining rasmiy shaxslari ishtirok etdi. Xususan “Cementchi” ustozi Abdumalik Hakimov ham qura marosimida bevosita qatnashdi. SHu bois murabbiyning fikrlari bilan qiziqdik.

- Yurtimizda deyarli mavsumi boshlangandek tuyulmoqda. Muxlislarimizni ushbu futbol mavsumi bilan tabriklab qolaman. Quraga keladigan bo'lsak, menimcha hammasi ko'ngildagidek o'tdi. Hech qanday etiroz yo'q – deya gap boshladi Hakimov.  

- Quraning ko'zi ko'r deb bejizga aytishmagan. “Cementchi” uchun boshlanishiga jiddiy raqiblar ro'baro' keldi. Bundan havotir olayotganim yo'q. Aksincha xursandman. Raqib kim bo'lishidan qatiy nazar baribir bir kun kelib o'ynash kerak. SHunday ekan har klubni xurmat qilamiz.

- Kubokda birinchi “Navbahor” bilan o'ynaydigan bo'ldik. Kuchli jamoa sifatida shakllanayotganini ko'rish mumkin. Lekin bu bilan ortga chekinmaymiz. Axir o'tgan yili ham oliy liga klublariga qarshi o'ynadik-ku. CHempionatda ham ketma-ket ikki o'yin kuchli raqiblarga qarshi o'tkazamiz. “Dinamo” va “Zomin” nazarimda bu yil oliy ligaga chiqish uchun kurash olib boradi.   

- “Cementchi” ham imkon qadar yangi mavsumga puxta tayyorgarlik olib borishga xarakat qilmoqda. Rahbariyat tomonidan etibor yuqori. Kerakli sharoitlar yaratib berilmoqda. O'z navbatida bunga javoban biz ham jiddiy ishlayapmiz. Qolganini mavsum ko'rsatib beradi.  

- Tayyorgarlikdan ko'nglim to'lmoqda desam ham bo'ladi. Faqat meni ranjitayotgan jihati ayrim yigitlarni gripp kasalligi bezovta qilmoqda. Selekciyaga keladigan bo'lsak, bugungi kunda bir qator futbolchilar ko'rikdan o'tmoqda. Yaqinda boshlanadigan Farg'ona “Hokim kubogi-2016” turnirida ishtirok etamiz va unda tarkibda kimlar qolishi malum bo'ladi.

- Birinchi liga musobaqasi joriy mavsum oliy liga kabi o'tadigan bo'ldi. Ilgari futbolchilik davrimda ham shunday tizimda bo'lganini yaxshi eslayman. Xususan 1995 yili “Bag'dod” safida xarakat qilganimda safarda 4ta o'yin o'tkazib qaytardik. Bu safar ikkita o'yin o'tkazib qaytiladigan bo'ldi. SHaxsan menga bu tizim maqul tushdi – deydi Abdumalik Hakimov.

Islombek Rustambekov.