Abdulloh Omonaliev "So'g'diyona"ga qaytdi

Jizzax klubi tez orada bu haqda rasmiy malumot beradi.

"Bunyodkor"ga o'tkazgan yillar uchun katta rahmat aytaman. Ivan Boshkovich menga imkoniyat berishini eshitganimdan keyin, takliflar ichidan "So'g'diyona"ni tanladim. Maqsadim Superligada o'ynash va bu borada mehnat qilaman. Jizzax menga begona emas, bu erda to'p tepishga ulgurganman. Yoshlar terma jamoasidagi do'stlarim fevraldagi musobaqada muvaffaqiyatli to'p tepsalar, balki men ham keyingi o'yinlarda ishtirok etarman. Buning uchun ko'p mehnat qilishim kerakligini tushunib turibman. Buyog'iga faqat mehnat", - deydi 2005 yilda tavallud topgan futbolchi.

Eslatib o'tamiz, Omonaliev 2023 yilgi mavsumning yarmini "So'g'diyona"da ijarada o'tkazgan edi.