Abdulloh Olimov: "Bunyodkor"ga qarshi bahsdagi o'yinimdan ko'nglim to'ldi"

"Bunyodkor"ga qarshi bahsda o'zidan iliq taassurot qoldirgan futbolchi bu haqda saytimizga qisqacha intervyu berdi.

- Albatta "SA" sayti orqali turning ramziy terma jamoasini berib borilishi yaxshi loyiha. Buni har gal kuzatib kelmoqdaman. Rostini aytganda, 24-turning ramziy terma jamoasidan o'rin olishimni kutmagandim. SHu bois bu menga yangilik bo'ldi.

- Jamoamning g'alaba qozonishi uchun har bir uchrashuvda bor kuchim bilan o'ynashga intilaman. "Bunyodkor" bilan bahsda ham astoydil o'ynadim. To'g'ri, shu kuni murabbiylar meni chap qanot himoyasida o'ynatdi. Lekin bu chiziqda men ilgari "Olmaliq"qa qarshi ham o'ynagandim. SHuning uchun hech qanday qiyinchilik bo'lmadi. Qaysi poziciyada bo'lsa ham muhimi asosiy tarkibda o'ynasam bo'lgani.

- "Bunyodkor" bilan o'z maydonimizda durang qayd etdik. Ko'rsatgan o'yinimga kelsak, bunga munosib bahoni muxlislar va mutaxassislar beradi. Lekin shaxsan o'zim qoniqdim deya olaman, - deydi Abdulloh Olimov.