Abdulhafiz Abdulhamidov: “Alijon Marajabov men uchun ham ustoz, ham do'st edi”

Bugungi kunda jurnalistika sohasida faoliyat yuritayotgan Abdulhafiz Abdulhamidov o'z vaqtida referilikda mexnat qilgan. U kishidan marhum Alijon Marajabov to'g'risida so'raganimizda, sukut saqlagan xolda, marhum haqida iliq fikrlarni bildirib o'tdi.

- Ishonasizmi, Alijon akamning olamdan o'tganiga haligacha ishongim kelmaydi. Haligacha esimdan chiqara olmiman. Huddi yonimizda yurgandek bo'ladi. Bazida o'tirib, akaxonimizni eslab, ko'zimga yosh olaman. CHunki u kishi bilan juda ko'p yig'inlarda bo'lganmiz. Men uchun hayotda ham ustoz va do'st edi. Hakamlar yig'iniga birga borardik. O'yinlarga ham bir guruh bo'lib borganmiz. Endi umri qisqa ekan, nima qilamiz... Mana farzandlari o'zimizni ukamiz. Otasidan bizga meros bo'lib qoldi. Ularga ham to'g'ri tarbiya bergan. Bugungi tadbirni o'tkazish g'oyasini to'ng'ich o'g'li Anvarjondan chiqibdi. Bu ham katta ish. Mana shunday musobaqalarda faxriylarning ishtirok etayotgani, Namangan, Uchko'prik, SHahrixon jamoalari. Bu jamoalar o'zlari chin dildan xohlab, turnirga kelganiga shubha yo'q. Boisi Alijon akam o'zi ilgari shu kabi faxriylar uchrashuvini tashkil etilishida, jonbozlik ko'rsatib kelgan. Samimiy insonlar toifasiga kirardi. Tashkilotchiligi bilan ajralib turardi. Hakamlikda mexnat qilganimizda ko'pincha birga bo'lardik. Kerakli maslahatlarni berib turgan.

Alijon Marajabov (chapda) bilan birga