Abdujamol Isroilov - Dinamo futbolchisi

Klub murabbiylar shtabi qaroriga ko'ra, Abdujamol Isroilov «Dinamo» jamoasi safiga qo'shildi. Klub va 25 yoshli yarim himoyachi o'rtasida bir yillik shartnoma imzolandi. 

Abdujamol Isroilov 2017 yil aynan «Dinamo» safida Superligada debyutini o'tkazib, muxlislarga tanilgandi. Markaziy yarim himoyachi o'tgan yillar davomida «Neftchi», «Navbahor» va «Buxoro» klublari sharafini himoya qildi. 2022 yilgi yangi mavsum oldidan esa erkin agent sifatida «Dinamo» jamoasiga qaytdi. 

"Jiddiy jarohatidan tiklangan futbolchi yana avvalgidek samarqandlik muxlislarni o'z o'yinlari bilan xursand etishiga tilakdoshmiz. «Dinamo» oilasiga xush kelibsan, Abdujamol!", - deyiladi xabarda.