Abdixoliqov “Rux”ning asosiy jamoasi safidagi norasmiy debyutidan keyin nimalar dedi?

Lvov klubi kecha Xmelnickiyning “Podole” jamoasi bilan sparring o'yinini o'tkazib, 2:0 hisobida g'alaba qozondi. “Rux”ning asosiy jamoasi safida norasmiy debyutini amalga oshirgan o'zbekistonlik hujumchi o'yindan keyin o'z fikrlari bilan o'rtoqlashdi.

“Bugungi sparring Kievning “Dinamo”siga qarshi o'yindan oldin yaxshi tayyorgarlik bo'ldi. G'alaba qozonganimizga qarmasdan, bir qator xatolarga ham yo'l qo'ydik. Keyingi o'yinlarda ularni takrorlamaslikka harakat qilamiz. Nihoyat, asosiy jamoa safida o'ynash imkoniyatiga ega bo'lganimdan xursandman. Men uchun murabbiyning ishonchi juda muhim. Bu futbolchi uchun o'ziga xos rag'bat hisoblanadi. O'zimning optimal formamga qaytishga va jamoamga foyda keltirishga harakat qilaman. Asta-sekin sheriklarim bilan munosabatlarimni yaxshilab olyapman, ammo biroz vaqt talab qiladigan holat. 

Hamyurtlarim rasmiy o'yindagi debyutimni kutishayotganini bilaman. Ularning ishonchini oqlash uchun imkon qadar ko'proq harakat qilaman. “Rux” tarkibida yuqori sifatli ijrochilar bor. Bugun Kuxarevich va Kondrakov gol urdi. Hujum chizig'idagi raqobatning yuqoriligi hamma uchun, jumladan, men uchun ham yaxshi. CHunki bunday sharoitda futbolchi faqat o'sadi”, – dedi 23 yoshli forvard.