A Seriya yo'llanmasi uchun o'yin - muxlislar raqib murabbiyi qiziga tahdid qilib, yutqazib berishni so'rashmoqda
10 may 2021 10:45
Yangiliklar
![](https://championat.asia/upload/storage/636053_original.jpg)
![](/upload/storage/636053_220.jpg)
A Seriya yo'llanmasi uchun o'yin - muxlislar raqib murabbiyi qiziga tahdid qilib, yutqazib berishni so'rashmoqda
Italiya chempionati "B" Seriyasida kurash hal qiluvchi pallasiga kirib ulgurgan.
Bugun, dushanba, 10 may kuni 38-tur doirasida "Salernitana" safarda "Peskara" bilan to'p tepadi. Agarda "Salernitana" g'alaba qozonsa – A Seriyaga chiqadi. "Peskara" esa yanada quyiroq ligaga, S Seriyaga yo'l olishi aniq bo'lib ulgurgan.
Bir qarashda chempionatning yakuniy qismidagi odatiy hol, intriga va navbatdagi uchrashuv. Ammo o'yindan avval aqlbovar qilmas ishlar yuz bermoqda.
"Peskara" ustozi Janlukka Grassadoniya – Salernodan. "Salernitana" futbol klubi tarbiyalanuvchisi, asosiy jamoa safida yuzga yaqin o'yinda maydonga tushgan. Uning oilasi Salernoda istiqomat qiladi. Kuni-kecha esa murabbiyning 18 yoshli qiziga "Salernitana" muxlislari hujum qilishdi.
Italiyaning "La Gazzetta dello Sport" nashri xabariga tayanadigan bo'lsak, barchasi quyidagicha bo'lgan – besh kun davomida qizga taxdid qilib kelishgan va keyin harakatga o'tishgan. Janluka Grassadoniyaning turmush o'rtog'i oila azolari shokda ekanligini va ular boshqa shaharga ko'chishlarini malum qildi.
Grassadoniyadan bo'lajak bahsda yutqazib berishni talab qilishmoqda. A Seriya yo'llanmasi taqdirini maydon tashqarisida hal qilish qanchalik to'g'ri? Inson hayotiga taxdid-chi? Nazarimizda, quyi ligaga tushib ketishi aniq bo'lib ulgurgan "Peskara" uchun chinakam motivaciya paydo bo'lgandek.
Pescara |
Serie B . 38-tur 10/05/2021, 17:00 3
:
0
Tugadi
|
Salernitana Andre Anderson - 67', Tiago Casasola - 72', Gennaro Tutino - 81' |
Stadion: Stadio Adriatico Giovanni Cornacchia, 0 tomoshabin
Nozima Zaripova tayyorladi
O’xshash yangiliklar
![AMP Logo](https://championat.asia/image/logo-amp.png)
Fikrlar