A PRO-Liga. 5 ta gol urilgan uchrashuvda “Istiqlol” g'alaba qozondi (batafsil sharh)

Uchrashuvni har ikki jamoa vakillari vakillari faol boshladilar. Birinchi bo'limning 4-daqiqasidayoq “Istiqlol” jamoasining 17-raqamli futbolchisi Anvar Hojimirzaevga ishlatilgan qo'pollik uchun bosh hakam Jasur Muxtorov “Neftchi” darvozasiga 11 metrlik jarima to'pi belgiladi. Nuqtaga yaqinlashgan Elyor Akbarovning zarbasini “Neftchi” posboni qaytara olmadi va uchrashuvda hisob ochildi – 1:0.

SHundan so'ng “Neftchi” vakillari hujumkorlikni oshirishdi. 19-daqiqasiga kelib, “Istiqlol” jamoasi vakillari o'z jarima maydonlari ichida “Neftchi” futbolchisiga nisbatan qo'pollik ishlatishdi va bosh hakam endi “Istiqlol” darvozasiga 11 metrlik jarima zarbasini belgiladi. Bu vaziyatda Tajribali futbolchi Nosir Otaqo'zievning zarbasini “Istiqlol” posboni Rustam Nartadjiev mahorat ko'rsatib qaytarib qoldi.

Birinchi bo'lim yakunlanib borayotgan pallada “Neftchi”ning yosh futbolchisi Islombek Karimov jarima zarbasidan “Istiqlol” darvozasini ishg'ol etib, hisobni tenglashtirdi – 1:1

Birinchi bo'lim shu tariqa 1:1 hisobida yakuniga etdi.

Uchrashuvning ikkinchi bo'limi ham ko'plab vaziyatlarga boy bo'ldi. “Neftchi” vakillari raqiblari darvozasini ishg'ol etish uchun ketma-ket hujumlar tashkil etgan bo'lsalarda, qarshi hujumda “Istiqlol” vakillari samaraliroq o'yin namoyish etishdi. Uchrashuvning 61-daqiqasida yana “Istiqlol” vakillari hisobda oldinga chiqib olishdi. Qarshi hujumda ajoyib harakat qilgan Anvar Hojimirzaev darvozabon bilan birga-bir vaziyatga chiqib bordi va “Neftchi” darvozasiga gol kiritdi – 2:1. 74-daqiqada “Neftchi” vakillari o'z jarima maydonlari ichida yana o'sha Anvar Hojimirzaevga nisbatan qo'pollik ishlatishdi va bosh hakam 11 metrlik nuqtani ko'rsatdi. “Istiqlol” futbolchisi Sardorbek Sotvoldiev ham 11 metrlik jarima zarbasida adashmadi va gol urdi, hisob – 3:1 . Uchrashuvning 79-daqiqasida zahiradan o'yinga qo'shilgan Xurshidbek Asqaraliev faol harakat qilib, “Istiqlol” darvozasini ishg'ol qildi 3:2.

SHundan so'ng uchrashuv yakuniga qadar “Neftchi” jamoasi vakillari hisobni tenglashtirish uchun, astoydil harakat qilgan bo'lsalarda, ketma-ket hujumlar samarasiz yakunlandi.

Uchrashuv shu tariqa “Istiqlol” jamoasining 3:2 hisobidagi g'alabasi bilan yakunlandi.



PRO-liga. "A" guruhi.
2-tur
«Istiqlol» – «Neftchi» 3:2 (1:1)
Gollar: Elyor Akbarov pen. 4 (1:0), Islombek Karimov 45, (1:1), Anvar Hojimirzaev 61, (2:1), Sardorbek Sotvoldiev 75 pen. (3:1), Xurshidbek Asqaraliev 79, (3:2)
Hakamlar: Jasur Muxtorov, S.Ulfatov, A.Capenko, Muhammadsulton Fozilov.
Nazoratchi: Baxtiyor Namozov.
Komissar: J.Imomov.

«Istiqlol»: 1. Rustam Nartadjiev, 22. Sardor Telyakov, 3. Farruh Ibrohimov, 8. Sardor Sotvoldiev, 9. Abduqodir Artiqov, 10. Elyor Akbarov, 17. Anvar Xojimirzaev, 13. Timur Sultonov, 14. Rustam Abduhamidov, 20. Ulug'bek Xudoberdiev, 30. Eldor Ergashev.
Zaxira: 12. Jasur Abdullaev, 4. Jasur Ermamatov, 6. Ilhom Alijonov, 7. Riza Ayvazov, 11. Anvar Berdiev, 19. Fayzullo Jumanqo'ziev, 21. Elyor Mamasoliev, 2. SHerzod Sodiqjonov, 77. Umid Qodirov

«Neftchi»: 12. Muzaffar Abdullaev, 4. SHodiyor Xojimatov, 6.Baxodir Akramov, 7. Islom Toshpo'latov, 9. Nosirbek Otaqo'ziev, 11. Xamidullo Abduxamidov, 13. Jamshid Qobulov, 15. Mirjamol Nematov, 18. Davronbek Isaqov, 20. Dilyor Irmatov, 77. Islombek Karimov
Zaxira: 21. Farrux Turdaliev, 2. Asilbek G'oyibjonov, 5. Ruslan Melziddinov, 8. Doston Abdurahmonov, 10. Xurshid Asqaraliev, 19. Alisher Abduvoxidov, 22. Igor Taran

Bekzod Tolibov tayyorladi.