90-yillar futboli: 1999 yilgi ECHL finali

Ushbu rukn orqali o'tgan asr oxirlarida olingan suratlar berib boriladi. Yaqin o'tmishdagi futbolchilar, jamoalar, murabbiylarning rasmlari orqali tarixni yodga olib turamiz.

Demak dastlabki rasmni kutib oling.

1999 yilning 26 may sanasida "Nou Kamp" stadionida kechgan ECHL finalida "Manchester Yunayted" va "Bavariya" klublari to'qnash kelishgan. Uchrashuvda myunxenliklar vakili Mario Basler 6-daqiqada hisobni ochgan. 90+1-daqiqada Teddi SHeringem gol urib hisobni tenglashtirgan. Barcha qo'shimcha vaqtlarni kutayotgan mahal 90+3-daqiqada Ole Gunnar Sulsher burchakdan oshirilgan to'pni Oliver Kan qo'riqlayotgan darvozaga joylab qo'ygan - 2:1. Ushbu final hamon eng dramatik o'yinlardan biri sifatida futbol tarixida qolgan.

Suratda Sulsher g'alaba to'pini kiritmoqda.