5 yil. "Nasaf"ning oxirgi finalidan kimlar qoldi?

"Paxtakor" qatorasiga 4-bor finalda qatnashayotgan bo'lsa, "Nasaf" 5 yillik tanaffusdan keyin yana musobaqa g'olibligini qo'lga kiritish uchun harakat qilib ko'radi. 

Qarshiliklar oxirgi bor mamlakat kubogining hal qiluvchi bahsida "Lokomotiv"ga imkoniyatni boy berib qo'yishgandi (2016 yil).

LOKOMOTIV - NASAF - 1:0

30.11.2016. "Dinamo" stadioni. 8150 tomoshabin. 

Referi: Ceytlin Vladislav

Gol:

1:0 - Abduxoliqov Temurxo'ja, 2

LOKOMOTIV: Ikromov Mamur; To'taxo'jaev Islom; Mustafoev Salim; Fayziev SHerzod (Zoteev Oleg, 73); SHoaxmedov Sanjar (Yoldoshev Boburbek, 85); Abduxoliqov Temurxo'ja; Gevorkyan Artur (Bikmaev Marat, 54); Mirzaev Sardor; Maxaradze Kaxi; Kapadze Timur; Aliboev Ikrom

NASAF: Suyunov Eldorbek; Azamov SHerzod; Golban Igor; Muhammadiev SHuhrat (Muhitdinov SHarof, 84); Sayfiev Farrux; Musaev Fozil; Abdurahimov Bahrom; Hamrobekov Odil (Erkinov SHahboz, 59); Narzullaev Doniyor; G'aniev Azizjon; CHeran Dragan (Abdixoliqov Bobir, 72)

Ogohlantirishlar: To'xtaxo'jaev Islom, 31; Abduxoliqov Temurxo'ja, 33; Hamrobekov Odil, 36; Erkinov SHahboz, 90+4

CHetlatish: To'taxo'jaev Islom, 90+4

SHu o'rinda savol tug'iladi: "Nasaf" 2016 yilgi finalda maydonga tushgan futbolchilardan necha nafarini saqlab qoldi?

Qisqagina qilib aytsak, o'sha tarkibdan faqatgina Doniyor Narzullaev hamda Bahrom Abdurahimov ayni paytda ham "ajdarlar" sharafini himoya qilishmoqda. Biroq, ularning ikkalasi ham "Nasaf" tarkibiga joriy yilning boshida qaytganini unutmaslik kerak. 

Endi masalaning juda ham qiziq bo'lgan 2-tomoniga etibor qaratamiz. Yuqorida keltirilgan tarkibdan roppa-rosa 6 nafar futbolchi ayni paytda "Nasaf"ning ertangi raqibi — "Paxtakor" vakili hisoblanadi. Bular:

1. Eldorbek Suyunov → 2017 yilning yozida "sherlar" safiga qo'shilgandi.

2. SHerzod Azamov → 2017 yilning iyulida Toshkentga yo'l olgandi. U diskvalifikaciya sabab ertaga maydonga tusholmaydi. 

3. Farrux Sayfiev → 2018 yilning qishida "Paxtakor" tarkibiga borib qo'shilgandi (+ Bahrom Abdurahimov ham).

4. Dragan CHeran → 2018 yilning yozida "ajdarlar" libosini echib, "sherga aylangan".

5. Odiljon Hamrobekov → 2019 yilning fevral oyida Toshkentga ko'chib ketgandi.

6. SHarof Muhitdinov → joriy yilning avvalida "Paxtakor" futbolchisiga aylandi.

Xullas, shunaqa gaplar. Sizningcha, "Paxtakor" ertangi o'yindan keyin "ajdarlar"ning qaysi futbolchisini olib qo'yadi?

Final. Ravshan Ermatov — mutlaq etakchi