12,7 mln evro - Odil Ahmedovning o'ziga xos rekordini bilasizmi?

Terma jamoamiz sardori Odil Ahmedov shunday futbolchiki, o'zi to'p tepayotgan klubga nafaqat maydonda yordam beradi, balki ketish mahalida ham rozi qilib ketadi. U hech qachon klublar bilan shartnomasini bekor qilishga urinib ko'rmagan, yani o'z manfaatlarini jamoanikidan ustun qo'ymagan (yosh futbolchilar o'rnak olishsa arziydigan jihat). 

Etibor qiling, quyida Odil Ahmedov ishtirokida tuzilgan transfer bitimlarini keltiramiz: 

1. 2011 yilning yozida Mahachqalaning "Anji" klubi namanganlik futbolchi uchun "Paxtakor"ga 1,7 mln evro to'lagan.

2. Ahmedov 2014 yilning yozida "Krasnodar"ga o'tgan. "Anji" bu transferdan 4 mln evro daromad qilgan.

3. O'z navbatida "Krasnodar" ham Odilning transferidan sira zarar qilmadi. Hamyurtimiz maydondagi harakatlari va chiroyli gollari bilan jamoaning yutuqlariga ulkan hissa qo'shishdan tashqari, 2017 yilning qishida klub hisob raqamiga 7 mln evro kelib tushishiga sababchi bo'ldi. O'shanda Xitoyning "SHanxay SIPG" jamoasi Ahmedovni xarid qilgandi.

4. SHuningdek, futbolchi 2 bor ijaraga berilgan. "Paxtakor" 2011 yilning 1-yarmidan "Anji" bilan tuzilgan ijara shartnomasidan qancha ishlab olgani aniq emas. "SHanxay Port" (SIPG nomi o'zgargan) esa 2020 yilning oxirida Ahmedovni 62 ming evro evaziga 4 oyga ijaraga bergan.

Xullas, Odil Ahmedovning transferlari uchun u o'ynagan klublar umumiy miqdorda 12,7 mln evrodan ko'proq mablag' sarflagan. Bu o'zbek futboli tarixidagi rekord ko'rsatkich hisoblanadi.

O'zbekcha transfer. "Bunyodkor" Aziz Haydarovning sotuvidan qancha daromad qilgan?