Prevyu. "Buxoro" – "Lokomotiv"

Natijalar Toshkent klubining ustunligini ko'rastmoqda. 8ta o'yinda “Lokomotiv”, 5ta o'yinda “Buxoro” g'alaba qozongan. 5ta o'yinda durang natija qayd etilgan. “Temiryo'lchilar” o'zaro o'yinlarda 31 bor raqib darvozasiga yo'l topa olishgan. “Buxoro” esa 23  bor gol kirita olgan. “Loko” o'zaro o'yinlarda 29 ochkoni qo'lga kiritgan, “Buxoro” hisobida 20 ochko bor. “Loko”ning “Buxoro” ustidan qozongan eng yirik g'alabasi – 5:1. Buxoroliklarning eng yirik g'alabasi esa 3:1.

O'tgan mavsumning birinchi davrasi so'nggi turida “temiryo'lchilar” raqib darvozasiga javobsiz ikkita to'p kiritishgandi. Birinchi bo'limda Fozil Musaev hisobni ochgandi. Bahs tugashiga 15 daqiqa qolganida esa Ivan Nagaev ikkinchi bor “Buxoro” darvozasini ishg'ol qilgandi – 2:0. O'sha o'yinda Farhod Tojiev ikki marta penaltidan gol ura olmagandi. Buxoroda hisobni Oybek Nurboev ochgandi, bunga uchrashuv oxirida Aleksandr Geynrix javob bergandi – 1:1.

Buxoroda o'tgan so'nggi besh uchrashuv:
07.11.2014 Buxoro - Lokomotiv 1:1
08.11.2013 Buxoro - Lokomotiv 0:1
19.05.2012 Buxoro - Lokomotiv 1:1
14.08.2009 Buxoro - Lokomotiv 2:3
01.03.2008 Buxoro - Lokomotiv 0:0

O'zaro o'yinlar haqida fakt: “Lokomotiv” bu raqibni safarda 2 marta mag'lub etgan. 6ta o'yinda durang qayd etilgan. “Buxoro” o'z maydonida 2 bor g'alaba qozongan. Buxoroliklar so'nggi bor o'z uylarida 2007 yil g'alaba qozonishgan.

Narzulla Saydullaev tayyorladi