Bunaqasi hali bo'lmagan. “Bunyodkor”dan “xet-trik”

Avvaliga 25 sentyabr kuni O'zbekiston kubogi finalida “qaldirg'ochlar” Qarshining “Nasaf” jamoasini 2:1 hisobida mag'lubiyatga uchratib, joriy yilgi ilk sovrinini qo'lga kiritgan edi.

7 noyabr sanasida esa Yangier shahrida o'tkazilgan bahsda “So'g'diyona” yoshlarini mag'lubiyatga uchratgan yosh “qaldirg'ochlar” kichik oltin medallarga ega chiqishdi.

Mana bugun esa Zominda “So'g'diyona”ni 2:0 hisobida dog'da qoldirgan “Bunyodkor” O'zbekiston chempioni degan sharafli nomga sazovor bo'ldi.

Aytish kerakki, klub tashkil etilganidan buyon hali birdaniga uchta sovrin yutilmagan edi.

2007 yil: -----------------------------------------------------------------
2008 yil: Oliy liga chempioni, O'zbekiston kubogi sohibi
2009 yil: Oliy liga chempioni, yoshlar ligasi chempioni
2010 yil: Oliy liga chempioni, O'zbekiston kubogi sohibi
2011 yil: Oliy liga chempioni
2012 yil: O'zbekiston kubogi sohibi
2013 yil: Oliy liga chempioni, o'zbekiston kubogi sohibi, yoshlar ligasi chempioni