"Andijon" - "Bunyodkor" shou uchrashuviga taklif etamiz

 Jamoamiz oliy ligaga qaytgani munosabati bilan mavsumni bayramona ruhda yakunlashni maqsad qilgan. SHu bois 13 noyabr kuni “Andijon” jamoasi xayriya uchrashuvini tashkil etmoqda.

13 noyabr kuni andijonliklar muxlislar “Sog'lom avlod” stadionida ajoyib o'yinga guvohi bo'ladilar. Oliy ligaga qaytgan “Andijon” jamoasi shu kuni O'zbekistonning 5 karra chempioni bo'lgan Toshkentning “Bunyodkor” klubiga qarshi o'rtoqlik uchrashuvini o'tkazadi. Takidlash joizki, milliy terma jamoaga chaqirilgan futbolchilardan tashqari “qaldirg'ochlar”ning barcha o'yinchilari Andijonga tashrif buyurishadi. SHu kuni “Sog'lom avlod” stadionida haqiqiy futbol bayrami bo'ladi. Soat 12:00 koncert tadbiri boshlanadi. SHuningdek, Respublika chempionatida faxrli 2-o'rin sohibi bo'lgan “Andijon” faxriylar jamoasi “Andijanka” qizlar jamoasi bilan o'rtoqlik uchrashuvini ham o'tkazadi. Xullas, shu kuni stadionga kelgan ishqibozlar aslo zerikishmaydi. “Andijon” va “Bunyodkor” jamoalari o'rtasidagi xayriya uchrashuvidan tushgan mablag' jamoamiz hujumchisi Dmitriy Kraevning davolanishi uchun uning hisob raqibiga o'tkaziladi.

13 noyabr kuni barcha futbol muxlislarini “Sog'lom avlod” stadioniga chorlaymiz. Eslatib o'tamiz, “Andijon” va “Bunyodkor” jamoalari o'rtasidagi uchrashuv soat 14:00da boshlanadi.