UZ

Сўнгги янгиликлар

03:20Спортчилар ижтимоий тармоқларда  1 02:07Расман: "Олтин бутса"нинг жорий мавсумдаги ғолиби маълум бўлди  25 02:00Лига 1. ПСЖ мехмонда ютқазди, Монако эса мағлубиятга қарамай чемпионатда қоладиган бўлди  4 01:45U-20 ЖЧ. Қатар йирик ҳисобда мағлуб бўлди ва бошқа натижалар  9 01:30Жаҳон футболидаги такрорланмас тандем — "Роббери"  21 01:22ПФЛ комиссари йўл қўйган кулгили хатолар ҳақида  23 01:20Пауло Дибала акасининг гапларига муносабат билдирди  5 00:25"Бенфика" Фелишни 100 млн. еврога ҳам сотмаслигини маълум қилиб, унинг трансфер нархини белгилади  7 23:55Роналду янги автомобилини намойиш қилди  15 23:30Энди ПСЖнинг захира жамоаси бўлмайди  2 23:05"Интер" сайти Мауро Икардининг расмларини ўчириб ташлади  13 22:35Пике фаолиятидаги энг ёмон воқеани эслади ва жамоасининг трансфер сиёсати ҳақида гапирди  8 22:17Серхио Рамосга Европа грандлари ҳамда Осиё жамоаси қизиқмоқда  16 21:40Месси: "Ливерпуль"дан учралган мағлубият оғриқли бўлди"  28 21:20Карл-Хайнц Румменигге: "Ковачнинг шартномаси 2021 йилга қадар амал қилади"  3

ЖЧ-2014. ПРЕВЬЮ. Франция – Гондурас Янгиликлар

ЖЧ-2014. ПРЕВЬЮ. Франция – Гондурас

Бразилияда бўлиб ўтаётган жаҳон чемпионатида бугун “Е” гуруҳининг 1-тур учрашувлари старт олади.
Европанинг кучли жамоаларидан бири Франция гуруҳ аутсайдери Гондурасга қарши баҳс олиб боради. Ўйин Порту-Алегри шаҳридаги “Бейра-Рио” стадионида бўлиб ўтади.

ЖЧ-2014. “Е” гуруҳи. 1-тур
ФРАНЦИЯ – ГОНДУРАС
Бош ҳакам: Сандро Риччи (Бразилия)

Тахминий таркиблар
Франция: Льорис - Санья, Косельни, Сахо, Эвра - Погба, Кабай, Матуиди - Вальбуэна, Жиру, Бензема.
Гондурас: Вальядарес - Бекелес, Бернардес, Фигероа, Исагирре - Чавес, Паласиос, Гарридо, Эспиноса - Бенгстон, Костли.



Франция терма жамоасининг аввалги жаҳон чемпионатидаги иштироки анча ғалвали якун топди. Бош мураббий Раймон Доменек жамоа тизгинини буткул қўлдан чиқариб юборди. Натижада айрим футболчилар ўзларига эрк бериб юборишди. Бу эса ўйинга ўз таъсирини кўрсатмай қолмади. Франция уч ўйинда атиги битта гол урган ҳолда мусобақани тарк этди.

Евро-2012да Лоран Блан бошқарувидаги жамоа оз бўлса-да ўз ўйинини топиб олди. Франция чорак финалда бўлажак чемпионлар Испанияга мағлуб бўлди. Навбатдаги жаҳон чемпионатига эса терма жамоани янги мураббий тайёрлади. Франция ЖЧга чиқиш учун плей-оффдан аранг ўтди, Дидье Дешам бир амаллаб ижобий натижа қайд эта олди.



Франция бу мундиалда нимани қойиллата олади? Агар жамоа саралашнинг плей-офф босқичида Украина билан бўлган биринчи ўйинини намойиш этса, унда гуруҳда қолиб кетади. Мабодо иккинчи ўйинини кўрсатса, унда узоққа бориши мумкин. Франция учун бугунги рақиб Гондурас оддий кўриниши мумкиндир, лекин Швейцария ва Эквадор билан уларга осон бўлмайди. Шу ўринда Гондурасни ҳам жуда кучсиз дейиш хато. Ахир жамоа мундиал арафасида Англия билан ўртоқлик учрашуви ўтказиб, 0:0 ҳисобини қайд этди. Умуман олганда, Гондурас ўзининг охирги еттита ўйинидан атиги биттасида ғалаба қозонди.



Французларда эса охирги натижалар ҳар қалай ёмон эмас. Киевдаги 0:2 ҳисобидаги мағлубиятдан сўнг улар кейинги бешта учрашувда 18та гол уришди (Ямайкага 8та, Норвегияга 4та, Украинага 3та, Голландияга 2та ва Парагвайга битта) ва атиги битта тўп ўтказиб юборишди. Франция учун энг катта йўқотиш бу Франк Риберининг жаҳон чемпионатида қатнаша олмаслиги ҳисобланади. Шунга қарамай, “Уч ранглилар”да бошқа ярим ҳимоячилар етарлича топилади.



Дидье Дешам (Франция термаси бош мураббийи): “Гондурас охирги икки йилда анча яхши шаклланди. Улар 4-4-2 схемасини танлашди. Мен бу жамоанинг Англия билан ўйинини кўрдим, рақиб яхши таассурот қолдирди. Гондурас тажовузкор футбол намойиш этишни хуш кўради”.



Луис Фернандо Суарес (Гондурас термаси бош мураббийи): “Жамоамиз олдига қўйилган мақсад - кейинги босқичга чиқиш. Бу гуруҳда ҳар бир жамоада имконият бўлади”.

Қизиқарли фактлар
Жамоалар ҳали ўзаро ўйнашмаган.

Гондурас ўз тарихида учинчи марта жаҳон чемпионатида иштирок этяпти.




Х.Холиқов тайёрлади.
Рейтинг:    

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг