ЖЧ-2013. Франция ёшлари финалда!

Туркияда давом этаётган ёшлар ўртасидаги Жаҳон чемпионатида илк финалчи номи аниқ бўлди.

Франция ёшлари Гана ёшлар терма жамоаси устидан 2:1 ҳисобида зафар қучиб мусобақанинг финалига йўл олишди. Ўйинда Товен дублга эришди, африкаликлар сафида эса Ассифуа гол урди.

Тошкент вақти билан соат 23:00да Ироқ ва Уругвай ёшлари ўртасидаги ўйин бўлиб ўтади. Ушбу ўйин ғолиби финалда Франция билан беллашади.

Франция U-20 – Гана U-20 2:1 (1:0)
10 июль, «Бурса Ататюрк Стэдиум»
Голлар: 1:0 – 43 Товен, 1:1 – 47 Ассифуа, 2:1 – 74 Товен.
Франция U-20 – Ареоля, Умтити, Зума, Фулькье, Динь, Кондогбиа, Погба, Верету, Товен (Сарр, 82), Баэбек (Лемина, 88), Саного.
Гана U-20 – Офори-Антви (Саи, 46), Аддико, Менса, Баба, Абоаджи, Данкан, Анаба, Салифу, Ачимпонг, Ашиа (Боачи, 81), Ассифуа.
Огоҳлантиришлар: Товен (21), Умтити (41), Баэбек (70), Анаба (83).
Четлатиш: Умтити (80).