UZ

Сўнгги янгиликлар

14:55"Шанхай СИПГ" - "Ухань Чжоэр". Асосий таркиблар маълум  5 14:52"Барселона" ўйинчиси коронавирусга чалинди  1 14:28"Спартак" РПЛдаги иштирокини давом эттирадими? Леонид Федун баёнот берди  2 14:25Муртозаев ва Абдураимов нима учун "Бунёдкор"дан кетишди? Вадим Абрамов изоҳ берди  4 13:58"Ман Сити" Тиаго учун курашга қўшилиши мумкин. "Ливерпуль" эса ҳали ҳам унга қизиқмоқда  1 13:39Спортчилар ижтимоий тармоқларда  0 13:22"Бенфика"нинг мавсумдаги барча голларини томоша қилинг  0 13:18Гасперини: "Елкамизга катта масъулият юкланган ва мухлисларимизни хафа қилишга ҳаққимиз йўқ"  9 12:55"Бунёдкор" клуби Ғиёсов қайтганини, Абдураимов ва Муртозаев кетганини расман тасдиқлади   6 12:50Диёр Имомхўжаев: "Тарихда биринчи марта терма жамоа чемпионатга ён берса яхши бўларди"  14 12:47Тухель: "Аталанта" кўп гол урадиган ажойиб жамоа"  1 12:24Муносабат. Расмий ўйинлар бекор бўлганидан кейин ФИФА кунларини сақлаб қолгандан не фойда  6 12:08Дунёнинг энг ажойиб стадионлари - "Тоттенхэм Хотспур"  10 11:43Карикатура: Улардан қай бири ЕЧЛни қўлга киритади?  14 11:34Вадим Абрамов: "Октябрь ва ноябрь ойларида ўртоқлик ўйинлари ўтказишга ҳаракат қиламиз"  16

Ёшлигида ўт ўчирувчи бўлишни хоҳлаган Зайниддин Тожиев 43 ёшга тўлди Янгиликлар

Ёшлигида ўт ўчирувчи бўлишни хоҳлаган Зайниддин Тожиев 43 ёшга тўлди

Ўзбек футболида ака-ука Тожиевларнинг алоҳида ўрни бор десак асло янглишмаган бўламиз.

Ака-укаларнинг уч нафари ҳаётини бевосита футбол билан боғлаган. Камолиддин айни пайтда Бекободнинг «Металлург» клуби шарафини ҳимоя қиляпти. 33 ёшли Фарҳод эса кутилмаганда фаолиятини якунлашга қарор қилди. Бугун ўз туғилган кунини нишонлаётган қаҳрамонимиз Зайниддин Тожиев эса мураббийлик фаолиятини олиб бормоқда. У учинчи йилдирки, "Одил Жуниор" жамоасида мурғақ қалб эгаларига миллионлар ўйини сир-асрорларини ўргатиб келяпти.

Зайниддин Тожиев болалигида икки тўнғич акаси сингари ўт ўчирувчи бўлишни орзу қилган. Лекин кейинчалик футболга бўлган қизиқиш устун келди. Қизиғи, у профессионал футболчилик фаолиятини бироз кечроқ бошлаган. 24 ёшида "Академия" клуби таркибида олий лигадаги дебютини нишонлаган. "Академия" дебютант клуб бўлишига қарамай, 2001 йилги олий мавсумида 5-ўринни эгаллади. Тожиев эса чемпионатда 10 та гол киритиб, футбол оммасини ўзига жалб қилди.

Футболчилик фаолиятидаги юлдузли онлари "Пахтакор"да ўтган. Тожиев икки бор Ўзбекистон чемпиони ва шунча мамлакат кубоги соҳиби бўлган. Легионер сифатида Қозоғистоннинг "Есиль-Багатир", "Ордабаси", Эроннинг "Саба Баттери" ҳамда Хитойнинг "Тянжин Тэда" клубларида тўп тепган. Зайниддин ака Ўзбекистон миллий терма жамоаси либосида 18 та учрашувда майдонга тушган ва рақиблар дарвозасини 3 маротаба ишғол қилган.



- Футболчилик фаолиятим давомида ўзимни мураббийликка тайёрлаб келганман, - дейди биз билан суҳбатда бугунги қаҳрамонимиз. - Тажрибали мураббийлар қўл остида ўйнадим. Табиийки, улардан ўша пайтнинг ўзида ён дафтарчамга ўзим учун керакли деб топган машғулотлар схемасини ёзиб борардим. Бир кун келиб бу менга асқотишини билардим. Айтмоқчи бўлганим, мураббийликка шунчаки келиб қолмадим. Бунинг учун йиллар давомида ўзимни тайёрладим. Футболдан бошқа соҳада ўзимни тасаввур ҳам қила олмасдим. Мураббийликни болалар билан ишлашдан бошладим. Уларнинг дунёси ўзгача, ўз ишимдан шунчаки роҳатланаман. Шу боис ҳам ўзимни профессионал клубларга урмадим. Балки вақти келганида у ерда ҳам ишларман. Аммо, ҳозирги пайтда фаолиятим болалар билан боғланган. Масалан, бир гуруҳда ўн нафар бола шуғулланса, уларнинг характери ўн хил бўлади. Ҳар бирига алоҳида ёндашув билан муносабатда бўлишингиз керак. Кимгадир яримта гапнинг ўзи етади. Бошқа бир болага битта машғулотни тушунтириш учун бир соат ҳам етмайди. Қайсидир шогирдингизга юмшоқроқ, бошқасига қаттиқроқ гапириш керак. Баъзи болалар сал қаттиқроқ гапирсангиз йиғлаб юборишади. "Ҳали бола-да", деб қўямиз. Бир сўз билан айтганда, болалар билан ишлаш шахсан мен учун жуда мароқли.



Нодирхўжа Юлдашев Зайниддин Тожиев ҳақида

"Очиғи, Зайниддин ака билан қачон танишганимни эслай олмайман. Лекин 2000 йиллар бошида дасхат сўраганим кечагидек эсимда. "Пахтакор"га ишга кирганимдан кейин кўплаб сафарларга бирга бордик. Ўзини катта тутмайдиган, барча билан самимий муомалада бўладиган ажойиб инсон. "Odil Junior"ни очаётганимизни билганларидан сўнг, ўзларини мураббийлик фаолиятида синаб кўришга қарор қилдилар. Иккиланиб ўтирмай уларга 2008 йилда туғилган болаларимизни бердик. Иккиланмаслигимнинг энг асосий сабаби, 5 нафар фарзанднинг отаси бўлган кишидан болалар футболида яхши мураббий чиқишини башорат қилиш қийин эмас эди. Футболчиларимизга ўз фарзандидек қарайди. Ҳозир кўплаб сафарларда бирга бўлаяпмиз, жуда ҳам ажойиб инсон. Футболчиларимиз кўп нарсаларни ўрганаяптилар. Бугун "Сергели" жамоаси билан тур учрашувини ўтказдик. Ҳисоб 1:1 бўлиб турган вазиятда галстук ҳақидаги латифа эсимга тушди. Кейин иккита гол уриб, галстукни "ташлаб юбордик".

Зайниддин акамга узоқ умр ва оилавий бахт тилайман.



БИЗНИНГ МАЪЛУМОТ

Зайниддин Фахриддинович Тожиев кўпчиликка "Пахтакор"даги ёрқин ўйинлари билан танилган. Тожиевларнинг тўнғичи футболдаги профессионал фаолиятини 24 ёшида Тошкентнинг "Академия" жамоасида бошлаган.

"Пахтакор", "Есиль Богатирь" (Қозоғистон), "Саба Баттери" (Эрон), "Тянжин Тэда" (Хитой), "Шўртан", "Ордабаси" (Қозоғистон), "Локомотив" (Тошкент), "Нефтчи" (Фарғона), "Бухоро" (Бухоро) ва "Динамо" (Самарқанд) жамоаларида фаолият олиб борган. Тожиев Ўзбекистон миллий терма жамоасида 18 та учрашувда майдонга тушган ва рақиблар дарвозасини 3 маротаба ишғол қилган. Ҳозирда "Odil Junior" жамоасида болаларга миллионлар ўйини сир-асрорларини ўргатиб келяпти.

Фурсатдан фойдаланиб, биз ҳам сайтимиз ходимлари ва ўқувчилари номидан бугун таваллуд айёмини нишонлаётган Зайниддин Тожиевни унутилмас кун билан муборакбод этамиз.



Камолиддин Алимов тайёрлади

Рейтинг: +9   

Фикрлар

+2   
21 июн 12:27:19
Ўзбеклигим фахрим
Зайниддин Тожиев кам сонли ҳужумда зўр ўйнайдиган футболчилардан эди. Умрингиз узун бўлсин сизни жуда ҳурмат қиламиз
+2   
21 июн 12:26:12
Manchester United alam qisa burnini tishla
Eng esda qoladigan goli bunyodkor bilan oyinda songi daqiqada hisobni tenglashtirgani boladi umirlari uzoq bolsin
+1   
21 июн 12:15:27
Javohir OSMON
OCHL-2009da Saudiyada Al-Ittifoqqa urgan golini unutib bo'lmaydi. Fulad,Sabo Batteries kabi jamoalarning darvozabonlarini ranjitgani ham yodimizda. Zayniddin aka, tabriklayman. Shogirdlaringiz ham kamida o'zingizday mahoratli bo'lishsin! Charchamang! ( Paxtakor muxlisi).@
   
21 июн 17:01:05
Hikmat Shakirov
Зайниддинни "Пахтакор" да тўп тепган пайтлари мухлислар эркалаб Жоннидеб чақиришар эди. Эдгар Гесс Зайниддин "Шўртан" таркибида "Бунёдкор" дарвозасига гол ургач "Пахтакор" байроғини боши узра кўтариб нишонлагач уни чиқиштирмай қолди менимча. Яна билмадим балки чиқиштирмаслик ўша пайтдаги Узтрансгаз рахбарларидан чиқгандур. Зайниддин 21-асрдаги Ўзбекистоннинг энг яхши хужумчиларидан. Туғулган куни билан табриклайман.
   
21 июн 13:51:34
Nazr
Зайниддин Тожиев финтлари...Агар Зайниддин ёшлигидан шугулланганида Ўацкихдан машхуррок буларди!
   
21 июн 12:59:49
Bahodir Sabirovich
У́т у́чирувчилик касби бу оиланинг к,онида бор.
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг