Amalga oshirilgan ishlar doirasida bosh stadion maydoniga yangi maysa urug'lari ekildi. Shuningdek, orqa hududdagi o'quv-mashg'ulot maydonlari - 106x66 va 70x50 metr o'lchamdagi maydonlar hamda asosiy maydon to'liq yangilandi. Bundan tashqari, 40x20 metr o'lchamdagi tabiiy mini maydon yangidan barpo etildi.
Stadion infratuzilmasi ham tubdan yaxshilandi: hakamlar, komissar va kiyim almashtirish xonalari to'liq ta'mirdan chiqarildi. Muxlislar uchun mo'ljallangan tribunalar, VIP va CIP sektorlar ham yangilanib, qulay va zamonaviy sharoitlar yaratildi.
