Хоразм вилояти биринчилиги. “Урганч ОЗК-1” жамоаси пешқадамликни мустаҳкамламоқда

Мусобақада карвонбоши бўлиб турган Урганч олимпия захиралари коллежининг  “Урганч ОЗК-1” жамоаси ушбу турни сафарда ўтказганига қарамай йирик ҳисобдаги ғалабани тантана қилди. Коллеж тарбияланувчилари бу гал меҳмонда “Наврўз” жамоасини тор-мор этишди, 7:0.  Натижада улар энг яқин таъқибчиси  “Терма-97” жамоасидан олти очкога ўзиб кетишди. Шу ўринда қайд этиш жоизки, “Терма-97” жамоаси пешқадамга нисбатан икки ўйин кам ўтказишган. “Хонқа”ликлар “Янгибозор”лик футболчилар устидан эришган ғалабасидан кейин тўплар нисбатига кўра учинчи ўринга кўтарилиб олишди.

Ажабланарлиси шундаки, чиройли ўйинлари билан мухлислари қалбидан ўрин олаётган “Қўшкўпир” жамоасининг мазкур турда  ўз майдонида “Урганч ОЗК-2”ни қабул қила олмаганидир. Натижада, меҳмонлар жамоасига техник ғалаба ёзилди.    
   
Агарда жамоаларнинг турли миқдорда ўйинлар ўтказишганига эътибор қаратсак, мусобақа жадвалида ўзгаришлар рўй бериши мумкин.

6-тур натижалари:
           
20 июль
“Терма-97” (Урганч шаҳри) - “Хива” (Хива шаҳри) - 5:3
“Наврўз” (Янгиариқ тумани) - “Урганч ОЗК-1” (Урганч шаҳри) - 0:7   
“Хонқа” (Хонқа тумани) - “Янгибозор” (Янгибозор тумани) - 4:2   
   
21 июль
“Шохобод” (Шовот тумани) - “Гурлан” (Гурлан) - 2:1     
“Қўшкўпир” (Қўшкўпир тумани) - “Урганч ОЗК-2” (Урганч шаҳри) -  -: +
“Интернат” (Урганч шаҳри) жамоаси- дам олиш.
 
Икром  Худойберганов