UZ

Сўнгги янгиликлар

18:11"Манчестер Сити" Копа Америкада Аргентина терма жамоаси футболчисини кузатади  0 17:42Осиё футболи. Умар Абдулраҳмон яна терма жамоага қайтди  2 17:34Olamsport: Хабиб Ўзбекистонда UFC ўтказиш ҳақида, Маҳмуд Муродовнинг навбатдаги жанг санаси маълум  0 17:2330 май куни ҳакамлар билан навбатдаги очиқ мулоқот бўлади  10 16:59Элдор Шомуродов "Ростов" билан шартномасини узайтирди  15 16:49Виллаш-Боаш "Марсель" билан келишиб олди  1 16:39Голландияда ҳакам гол урди ва буни ҳисобга олди  12 16:38«Бунёдкор»: Академия жамоаси Грузияда  0 16:08Роналду киритилмаган OPTAнинг А Серия рамзий жамоаси билан танишинг  6 16:06"Сурхон" - "Қўқон-1912". Пенальти бормиди?  69 15:58Омар Моманидан янги карикатура: Мессини "эшак" тепди  23 15:46"Арсенал" ўйинчиларига Мхитаряннинг исми ёзилган либосларда чиқишларига рухсат берилмади  13 15:32"Рома" Де Росси билан қай тарзда ҳайрлашди?  6 15:11"Пахтакор" клубидан олийжаноб ҳаракат   24 14:16Купер жароҳат олган Достон Ҳамдамов ўрнига "Бунёдкор" футболчисини йиғинга жалб қилди  33

“Хоразм” тайёргарликни қачондан бошлайди? Янгиликлар

“Хоразм” тайёргарликни қачондан бошлайди?

Теглар :  Хоразм
Про-лиганинг доимий иштирокчисига айланиб бораётган Урганчнинг “Хоразм” жамоаси бу йил ҳам чемпионатда қатнашадими?

Сайтимиз орқали “Сурхон”даги мавҳумлик ҳақида хабар бериб ўтганимиздан сўнг, биз билан “Хоразм” жамоаси аъзолари аълоқага чиқди. Исмини сир сақлашни лозим топган футболчининг айтишича, “Хоразм”нинг яқин орада янги мавсумга тайёргарлик кўришидан дарак йўқ. Клуб мутасаддилари афтидан бу йил ҳам чемпионат бошланишига оз муддат қолганида, зудлик билан жамоа шакллантирадиган кўринади. Яна ўтган йилги холат.

Бош мураббий Александр Ежов билан боғланганимизда, қуйидагиларни таъкидлаб ўтди.

- Ҳақиқатдан ҳам жамоа ҳозирча янги мавсумга тайёргарликни бошлагани йўқ. Раҳбарият билан гаплашиб турибмиз. Улар бу йил ҳаммаси яхши бўлишини айтмоқда. Аммо қачондан ҳозирлик кўрамиз деган савол ҳамон жумбоқ бўлиб турибди. Билсангиз керак, ҳозирги кунда Про-лиганинг кўплаб жамоалари ўқув-йиғин машғулотларини бошлаб юборган. Биз эса яна кеч қоляпмиз. Ёдингизда бўлса, ўткан йили жамоани қабул қилиб олган пайтимда, ҳаминқадар вазиятдан келиб чиқиб, таркибни шакллантиришга эришгандик. Жорий мавсум ҳам яна шу холат такрорланадиган кўринади. Футболчиларимизга берилган таътил жуда чўзилиб кетди. Тезроқ уларни йиғиб, чемпионатга тайёрлашимиз керак. Узоқ муддатлик дам олишдан сўнг, спортчининг формасини тиклаб олишига ҳам камида яна икки ҳафта вақт керак бўлади.

- Ўтган йили қўл остимда ўйнаган футболчилар кун-ора қўнғироқ қилиб, қачондан йиғинни бошлашимизни сўрамоқда. Айрим йигитларимиз ўзларини бошқа клубларда синаб кўриш истагида юрибди. Хусусан иқтидорли футболчимиз Рафик Каримов айни дамда “Пахтакор” ёшлар жамоаси таркибида шуғулланмоқда. Абдумалик Тошпўлатовга Супер лига дебютанти “Цементчи” таклиф билан чиққан. Шунингдек Улуғбек Худойбердиев ҳам жорий мавсум бошқа клубда ўйнаш ниятида.

- Очиғини айтганда, “Хоразм”дан кўплаб иқтидорли ёшлар етишиб чиққан. Рўзимбой Аҳмедов, Аброр Хусинов, Мурод Бобожонов сингари футболчилар бугунги кунда Супер лига клубларида ўйнамоқда. Бу рўйхатни яна давом эттириш мумкин. Аламлиси мана шундай иқтидорлар иштирокида вилоятда курашчан жамоани ташкил эта олмаётганимиз бўлмоқда. Мутасаддилар томонидан футболга эътибор жуда ҳам сусайиб кетган. Агарда жамоага бўлган эътибор юқори бўлса, ишонаманки “Хоразм” яқин орада супер лигага қайтади.

- Ростини айтсам, жамоанинг ўз қароргоҳи йўқ. Ўтган йили футболчилар машғулотларга уйидан келиб қатнашди. Яқинда клуб раҳбари билан суҳбатлашганимизда, бу йил қароргоҳ бўлишин айтган. Агарда клуб ўз базасига эга бўлганида, ҳозир футболчиларни йиғиб, бир маҳалдан бўлса ҳам машғулот ўтказиб турардик.

- 25 январь куни бўлиб ўтадиган Ўзбекистон футбол федерациясининг катта йиғилишига “Хоразм” клуби раиси ҳам келишни режалаштирган. Шу аснода у киши билан кўришиб, яна бир бор келгуси режалар борасида суҳбатлашамиз. Менимча кўп нарсага шундан сўнг ойдинлик киритилади.

- “Хоразм”даги келажагим ҳақида ҳозир сизга тайинли гап айта олмайман. Бошқа клублардан чорлов бўлмади. Ўзим Тошкентда истиқомат қиламан. Лекин биласиз, Урганчда туғилиб, ўсганман. Шунинг учун “Хоразм”нинг аввалги қаддини тиклаш учун бор кучим билан ишлашга доим тайёрман.


Исломбек Рустамбеков.

Рейтинг: +4   

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг