"Barselona" klubi bosh murabbiyi Xavi jamoa prezidenti Joan Laporta bilan Myunxendan qaytish jarayonida suhbatlashib kelgan. As nashri bergan ma'lumotga qaraganda, ikki mutaxassis uzoq vaqt o'zaro fikr almashishgan. Yakunda esa murabbiy va prezident "Barsa" hozirda Yevropaning kuchli klublariga raqobat qila olishga qodir emas degan umumiy bir qarorga kelishgan. Ular "Bavariya" hozirda "Barselona"dan ikki yoki uch karra kuchli deb hisoblashgan.
Xavi suhbat davomida xafsalasi pir bo'lganini, ammo jamoani avvalgi holiga qaytarish uchun borini berishini aytgan. Shu bilan birga, murabbiy "Barsa" prezidentiga shunday vada bergan: "Barsa" keyingi yil "Bavariya" darajasiga chiqadi".
Prezident ham murabbiy bilan hamfikr bo'lgan va jamoani kuchaytirish yo'lida barcha ishni qilishini bildirgan. "Barselona" iloji boricha tezroq kuchli tarkib yig'ishga kirishadi.
